Ministerstva justycyi apublikavała vyniki pazačarhovaj atestacyi advakataŭ. Tak,
spyniena dziejańnie licenzii Tamary Sidarenka (abaronca Uładzimira Niaklajeva), u Ivana Dudarava dziejańnie licenzii prypyniena na paŭhoda.
Spn. Sidarenka adznačaje, što jana nie patrapiła na pazačarhovuju atestacyju. Jaje dakumienty byli raniej pieradadzieny na Kvalifikacyjnuju kamisiju. Ale nie viedaje, kab u kahości inšaha było spyniena dziejańnie licenzii. Tamu schilnaja ŭ hetym «adziny advakacie» bačyć siabie.
Tamara Sidarenka mieła dva pradstaŭleńni, što daje padstvu Miniustu pačać praceduru spynienia advakackaj licenzii. Što i było zroblena. Chacia advakatka nie ličyć, što druhoje pradstaŭleńnie było vyniesiena zakonna. Tamu budzie abskardžvać dziejańni ministrestva.
«Davodzicca ab hetym dumać», — prakamientavała mahčymuju suviaź pamiž rašeńnie viedamstva Hałavanava i jaje abaronaj Uładzimira Niaklajeva. Pa słovach žančyny, uvaha da jaje advakackaj dziejnaści ŭźnikła paśla śniežańskaha intervju. Tady była praviedziena pravierka jaje pracy.
Pa słovach kaleh Ivana Dudarava, advakat nie byŭ źviazany sa spravaj pa 19 śniežnia. Tamu rašeńnie ŭ jaho vypadku nie nosić palityčny charaktar.
Jak paviedamlajecca ŭ spravazdačy Miniusta, Kvalifikacyjnaj kamisijaj jašče čaćviora staršyń jurydyčnymi kansultacyjami i dvanaccać advakataŭ byli atestavany z umovaj paŭtornaj atestacyi praz hod.
Da pazačarhovaj atestacyi było spyniena dziejańnie licenzij piaci advakataŭ, chto baraniŭ palitviaźniaŭ. Heta Aleh Ahiejeŭ, Taćciana Ahiejeva, Uładzimir Toŭścik, Tamara Harajeva, Pavieł Sapiełka. Biez advakackaj pracy zastałasia i Zaryna Zaleŭskaja, žonka Aleha Ahiejeva, jakaja nie prymała ŭdieł u spravie 19 śniežnia.
