Źmicier Daškievič — lidar «Maładoha Frontu», zarehistravanaha ŭ Čechii, — pieraviedzieny ŭ vypraŭlenčuju kałoniju horada Hłybokaje (Viciebskaja vobłaść), pra heta BiełaPAN paviedamiła pravaabaronca Nasta Łojka.
Pavodle jaje słoŭ, vakoł Daškieviča skłałasia «składanaja situacyja». «Nakolki mnie viadoma, advakat Daškieviča pierasłała ŭ kałoniju faks, kab jaho pieraviali ŭ adzinočnuju kamieru», — skazała Łojka.
Raniej Daškievič adbyvaŭ pakarańnie ŭ papraŭčaj kałonii ŭ Horkach, dzie ŭ znak pratestu suprać umovaŭ utrymańnia 13 vieraśnia abviaściŭ haładoŭku. Pra jaho pieravod stała viadoma viečaram 20 vieraśnia. Niekalki dzion dakładnaje miescaznachodžańnie Daškieviča było nieviadoma.
Hłybockaja kałonija ličycca adnym z samych surovych miescaŭ źniavoleńnia ŭ Biełarusi — u joj utrymlivajucca asudžanyja za złačynstvy roznaj stupieni ciažkaści, u tym liku za zabojstva.