Śviedka Dźmitryj Maskaloŭ 27 vieraśnia na sudzie apaznaŭ hałoŭnaha abvinavačanaha Dźmitryja Kanavałava na zapisach ź videakamier u mietrapalitenie.
Maskaloŭ pracuje taksistam u Viciebskaj słužbie taksi 107. Dajučy pakazańni, jon zajaviŭ, što 10 krasavika prykładna ŭ 5 hadzin ranicy jon vyjechaŭ pa vykliku. Da jaho padyšoŭ mužčyna ź ciažkaj sumkaj, i jon pajechaŭ z hetym mužčynam na čyhunačny vakzał.
Jak vyśvietliłasia ŭ budučym, heta byŭ Kanavałaŭ. Maskaloŭ jaho dobra zapomniŭ, bo heta byŭ jaho pieršy dzień pracy ŭ taksi.
Maskaloŭ dapamoh Kanavałavu pastavić sumku ŭ bahažnik i paśla prybyćcia na vakzał — dastać jaje.Tamu, ź jaho słoŭ, jon viedaje, što sumka była ciažkaja, kala 20 kh. Paśla apytańniaŭ Maskalovu byli prademanstravanyja videazapisy z kamier nazirańnia ŭ minskim mietro. Jon z upeŭnienaściu paznaŭ na ich Kanavałava, bo, jak skazaŭ śviedka, u mužčyny ŭ minskim mietro i ŭ taho, chto padyšoŭ da mašyny, praktyčna identyčnaja pachodka i jon hetak ža trymaje sumku.
U sudzie praciahvajecca apytańnie śviedak.
0
0
0
0
0
0
