U Biełarusi prachodzić samy bujny ŭ śviecie konkurs karotkamttražnych filmaŭ – Manchetanski fiestyval. 14 hadoŭ tamu pieršuju prahramu fiestyvalu pahladzieła nievialikaja hrupa kinaamataraŭ na ekranie, naciahnutym naŭprost na kuzaŭ hruzavika. Siońnia raboty finalistaŭ fiestyvalu ŭbačać bolš za 150 000 hledačoŭ u 48 krainach.
U Biełaruś Manchetanski fiestyval pryviezła 3 hady tamu dyrektarka kinateatru «Aŭtakino» Ała Kurkul. Pra toje, jak joj pryjšła ŭ hałavu hetaja ideja i jak prachodziła ŭvasableńnie idei ŭ žyćcio, Ała raspaviała Generation.by.
— Ała, raspaviadzicie, jak pačali pracavać u kinaprakacie?
— Kino ź dziacinstva lubiła. Mama ŭsio žyćcio pracavała ŭ hetaj śfiery, była namieśnicaj hiendyrektara pa repiertuary kinateatraŭ Minskaj vobłaści. Voś i my ź siastroj pajšli pa jaje šlachu. Abiedźvie vučylisia ŭ Instytucie kultury, pa śpiecyjalnaści kina- i videabiznes. Ciapier pracujem razam u «Aŭtakino».
— A jak stali pradstaŭnikom Manchetanskaha fiestyvalu ŭ Biełarusi?
— U 2008 hodzie, jakraz padčas praviadzieńnia fiestyvalu, ja apynułasia ŭ Piciery. Siastra patelefanavała mnie tady i prapanavała schadzić pahladzieć. Prahrama mnie vielmi spadabałasiai ja damoviłasia z arhanizatarami na nastupny hod pryvieźci fiestyval u Biełaruś. Adnak
paźniej, pa niejkich svaich matyvach, prezident kinafiestyvalu Nikałas Mejsan nie zachacieŭ supracoŭničać z našaj krainaj. Daviałosia čakać rašeńnia ceły hod.U vyniku jany zdalisia, adnak dazvolili pakazać filmy tolki ŭ «Aŭtakino». Arhanizataram festu spadabałasia i ŭ 2010 hodzie nam pieradali prava na praviadzieńnie festu ŭ Biełarusi.
— Čamu ž u nastupnym hodzie pakaz znoŭ prajšoŭ tolki ŭ adnym kinateatry?
— Asnoŭnaja pryčyna — koštavaja palityka Manchetanskaha fiestyvalu. Fest — heta pryvatnaja inicyjatyva. Umova arhanizataraŭ: cana kvitka na kinapakaz pavinna być nie nižej za 100 rasijskich rubloŭ. Na sajcie festu zajaŭleny košt u 5 eŭra. Ale nivodzin kinateatar u Minsku taki košt na kvitok ustalavać nie moh i nie moža. «Kinavideaprakat» Minharvykankama da hetaha času abapirajecca na sastarełyja narmatyvy pa pakazu filmaŭ z nośbita DVD.
Sami kinateatry nie majuć prava vyrašać ni što im pakazvać, ni jakuju canu kvitka ŭstaloŭvać. Uvohule ž, užo isnuje «Kancepcyja raźvićcia kiniematahrafii Respubliki Biełaruś na 2009--2014 h.». U joj havorycca, što treba dać kinaprakatu «bolš pravoŭ u samastojnym farmavańni koštaŭ na kvitki». Ale pakul nichto pa hetaj kancepcyi čamuści nie pracuje. Tamu pryjšłosia znoŭ damovicca z DK Čyhunačnikaŭ ŭ Minsku, dzie my zmahli ŭstalavać košt kvitka ŭ 15 000 rubloŭ. Heta aptymalnaja cana dla nas i hledačoŭ.
— Chto dapamahaje Vam arhanizoŭvać fest?
— U asnoŭnym
fiestyvalem zajmajemsia my ź siastroj Ełaj dy mamaj Halinaj Piatroŭnaj.Pryciahvajem studentaŭ Univiersiteta kultury. Dla ich heta vopyt i praktyka, dla nas — dapamoha i dadatkovyja pracoŭnyja ruki. U minułym hodzie chłopcy i dziaŭčaty vydatna mnie dapamahli z rekłamaj, z praviadzieńniem pakazu.
— A jak rekłamujecie fest?
— Rassyłaju relizy absalutna pa ŭsich krynicach reklamy, ale nie ŭsie achvotna adhukajucca. U sacyjalnych sietkach pakul nie vielmi dobra atrymlivajecca. Choć na Fejsbuku karystalniki adhukajucca aktyŭna. U hetym hodzie my pravodzim fest nie tolki ŭ Minsku, ale jašče ŭ Hrodna i Viciebsku ad 23 vieraśnia da 2 kastryčnika. Tamu rassyłała infarmacyju pa hrupach hetych haradoŭ. Darečy, tam narod značna bolš žyva adhukajecca. Jašče niadrenna było b pakrucić reklamu ŭ kinateatrach, ale nivodzin kinateatar na heta nie pahodzicca. My dla ich maleńkija, ale kankurenty.
— Jak aceńvajecie konkursnuju prahramu Manchetanskaha fiestyvalu ŭ hetym hodzie?
— Mnie hetaja prahrama vielmi padabajecca. Usie filmy roznyja i mocnyja. Ale ŭsio-tki jość u hetym hodzie dva filmy, jakija, mnie zdajecca, hałoŭnyja pretendenty na pieramohu. U adnym — humar, u inšym — palityka ... Nia viedaju, što pieramoža. Moža być, štości treciaje. Skažu tolki, što biełarusy zaŭsiody hałasujuć nia tak, jak jeŭrapiejcy abo rasijanie. Usio-taki my čymści adroźnivajemsia.
* * *
Prahrama XIV Manchetanskaha fiestyvalu karotkamietražnaha kino
№1. Zdareńnie pierad bankam /
Incident By A Bank
Rubien Ostłand / Šviecyja / 9'30”
Załaty miadźviedź Bierlinskaha mižnarodnaha kinafestu za najlepšy karotkamietražny film u 2010 hodzie. Film źniaty z dapamohaj usiaho adnoj kamiery. Dzievianosta čałaviek skrupulozna adnaŭlajuć pravalenaje rabavańnie banka, jakoje adbyłosia ŭ Stakholmie ŭ červieni 2006 hoda.
№2. Dik
Krystafier Stolery / Aŭstralija / 10'00”
Šaścihadovy chłopčyk prynosić dadomu zadańnie sa škoły, jakoje prymušaje baćkoŭ cikavicca jaho seksualnaj aryjentacyjaj.
№3. Mak / Mak
Džeraldzin Zosa / Šviejcaryja / 18'00”
Iljinka ŭžo hod žyvie ŭ Šviejcaryi sa svaimi małdaŭskimi maci i ciotkaj. Joj usiaho 14 hadoŭ i jana tolki što naradziła syna. Maci Iljinki daviedvajecca pra miesca, u jakoje možna addać niežadanaje dzicia…
№4. Ja kachaju Lusi / I Love Luci /
Kolin Kienedzi / Šatłandyja / 11'00”
Kamedyja pra vypadajučyja zuby, niepadzielenaje kachańnie i mahčymaści adnoj sabaki paŭpłyvać na los pary, jakoj nie nakanavana być razam.
№5. Lehienda pra babrovuju zaprudu /
The Legend of Beaver Dam
Džerom Sejbł & Eli Bataljon / Kanada / 12'00”
Pieśnia la vohnišča budzić strašennaha monstra...
№6. Sekścinh / Sexting*
Nił ŁaBut / SŠA / 8'00”
Parvaŭšy stasunki z žanatym mužykom, maładaja žančyna vyrašaje sustrecca ź jahonaj žonkaj za kubačkam kavy.
*Sekścinh — pierasyłka asabistych zdymkaŭ intymnaha źmiestu praz mabilny telefon.
№7. Les / The Forest
Karpaci Dziordź Mor / Vuhorščyna / 12'00”
Udzielnik Bierlinskaha mižnarodnaha kinafestu 2011 hoda.
U lesie adbyłosia zabojstva. Małady čałaviek apynajecca ŭciahnutym u šerah dziŭnych zdareńniaŭ…
№8. Praca doktara / A Doctors Job
Chulio Ramas / Peru / 10'30”
Doktar Ramon Maran padpracoŭvaje taksistam, kab utrymlivać svaju psichična niezdarovuju maci. Złačynstva, u jakoje jon apynuŭsia ŭciahnuty, stała vyprabavańniem dla jaho honaru i maralnych pryncypaŭ.
№9. David i Halijaf / David and Goliath
Džordž Zavierdas / SŠA / 12'00”
Praŭdzivaja historyja pra čałavieka, sabaku i Chałakost.
№10. Piatnica pakutnikaŭ / Martyr Friday
Abu Bakr Šoki / Ehipet / 10'00”
Pohlad znutry na padziei, što adbylisia ŭ Kairy ŭ 2011 hodzie.
Praciahłaść prahramy: 120 chvilin. Košty: 15 000 u Pałacy čyhunačnikaŭ, 25 000 -- u Aŭtakino z mašyny, u Hrodnie i Viciebsku — 10 000. Pradstaŭnik MSFF u Biełarusi: Ała Kurkul, [email protected].
Pakazy ŭ Minsku projduć: u DK Čyhunačnikaŭ: 27.09 i 30.09 – u 19.00, 1-2.10 – u 17.00. U Aŭtakino: 27-28.09 u 21.00.U Hrodnie: k-r «Čyrvonaja zorka»: 30.09-2.10 – u 19.00.
U Viciebsku: k-r «Mir»: -- da 2.10 – u 18.05.
