Na Homielskim chimzavodzie traŭmavany rabočy

25 vieraśnia ŭ Homielskuju abłasnuju kliničnuju balnicu byŭ dastaŭleny rabočy AAT «Homielski chimičny zavod» z termičnym apiokam, zakrytym askołačnym unutrysustaŭnym pierałomam pravaj piatačnaj kości sa źmiaščeńniem.

Jak paviedamili ŭ pres-słužbie UUS Homielskaha abłvykankama, paciarpieły byŭ špitalavany ŭ apiokavaje adździaleńnie. Ustanoŭlena, što apiok jon atrymaŭ u vyniku vykidu siery z cysterny, pierałom piatačnaj kości — pry padzieńni z naziralnaha mastka.

Heta nie pieršaje NZ na zavodzie ŭ 2011 hodzie. U červieni tut zahinuŭ rabočy, traŭmavany elektratokam pry zamienie abmiežavalnika ŭ cechu składana-źmiešanych minieralnych uhnajeńniaŭ.

U krasaviku ŭ cechu hranulavanaha amafosu pry vykanańni rabot pa fasoŭcy hatovaj pradukcyi ŭ bunkier fasoŭki zvaliŭsia 25-hadovy rabočy. Apynuŭšysia pad vialikim słojem hranulavanych uhnajeńniaŭ, jon zadychnuŭsia ad niedachopu pavietra.

Charakterna, što hienieralny dyrektar AAT «Homielski chimičny zavod» u 2010 hodzie byŭ udastojeny zvańnia «Čałaviek hoda» ŭ naminacyi «Kiraŭnik».

0

0

0

0

0

0

Alena Hiermanovič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH