Volha Zacharkava siońnia padčas dopytu na pracesie Kanavałava-Kavalova zajaviła, što jaje
«siastru znajšli ŭ try hadziny načy [12 krasavika]. Apošniaj znajšli. Vybucham jaje vykinuła na rejki. Pa joj ciahnik prajechaŭ… Papałam pierajechała.
U mianie jość pretenzii da mietrapalitena. (…) Mašynist pytaŭsia, ci jechać. Dyśpietčar daŭ takuju kamandu. Navošta jon pajechaŭ?», -- cytuje V.Zacharkavu kp.by.
Hety fakt, jakija adkryŭsia padčas suda, piarečyć raniejšym zajavam ab tym, što ŭsie achviary teraktu byli vyniesienyja z stancyi ŭ bližejšyja paśla vybuchu hadziny.
Nie vyklučajem, što historyja z poźnim vynasam ciełaŭ spryčyniłasia i da błytaniny ŭ historyi Maryny Šubič.Nahadajem, što ŚMI paviedamili, što paranienuju dziaŭčynu znajšli tolki pozna ŭviečary, takuju infarmacyju raspaŭsiudziła siabroŭka Maryny. Paźniej, adnak, balnica zaśviedčyła, što dziaŭčyna pastupiła razam ź inšymi paranienymi.
Paśla vybuchu na «Kastryčnickaj» 11 krasavika Alaksandr Łukašenka byŭ na miescy trahiedyi ŭžo praź dźvie z pałovaj hadziny paśla jaje. Pryčym u mietro jon spuściŭsia razam sa svaim małym synam Kolem.
U krasaviku błohiery apublikavali nieviadomyja raniej zdymki i videa z epizodu naviedvańnia mietro prezidentam.
Na fota vidać, što
Alaksandr Łukašenka ŭ supravadžeńni vysokich čynoŭnikaŭ ahladaje miesca teraktu, kali tam jašče lažać niežyvyja ludzi.Kolu, napeŭna, da hetaha miesca nie padpuskali.
Imavierna, cieły niežyvych ludziej pakinuli na miescy ŭ intaresach śledstva, adnaŭleńnia karciny padziej.
My adretušavali zdymak: cieły niabožčykaŭ razmytyja.
Alaksandr Łukašenka ahladaje miesca trahiedyi. My adretušavali zdymak: cieły niabožčykaŭ razmytyja.