Ukraina ŭ kancy vieraśnia moža padpisać z amierykanskimi ExxonMobil i Halliburton, italjanskaj Eni i francuzskaj Total pahadnieńni ab zdabyčy ŭ krainie nietradycyjnaha hazu; ahulnaja suma inviestycyj zachodnich kampanij moža skłaści da adnaho miljarda dalaraŭ,piša hazieta
Čakajecca, što pahadnieńni buduć padpisanyja 29 vieraśnia ŭ Kijevie padčas mižnarodnaj kanfierencyi «
Vysokapastaŭlenaja krynica «Kamiersanta» ŭ Ministerstvie enierhietyki i vuhalnaj pramysłovaści Ukrainy paviedamiła, što, u pryvatnaści, ExxonMobil hatovaja zdabyvać słancavy haz adkrytym mietadam sa słancavych piaskoŭ, a Eni i Total zacikaŭlenyja ŭ radoviščach sa składanymi ŭmovami. Padobny prajekt realizuje Shell — kampanija damoviłasia z «Ukrhazzdabyčaj» pra sumiesnuju raspracoŭku hazavych radoviščaŭ
U Minenierha raźličvajuć, što ahulny abjom inviestycyj ExxonMobil, Eni i Total va ŭsie prajekty na pieršym etapie dasiahnie adnaho miljarda dalaraŭ.
«My spadziajemsia, što heta daść mahčymaść naraścić zdabyču hazu ŭ krainie minimum na tracinu (na 7–8 miljardaŭ kubamietraŭ) užo praz
Ciapier Ukraina samastojna zdabyvaje kala 20 miljardaŭ kubamietraŭ hazu na svajoj terytoryi, a paradku 30–40 miljardaŭ kubamietraŭ zakuplaje ŭ Rasii (u 2010 hodzie — 40 miljardaŭ kubamietraŭ).
Ekśpierty ličać, što infarmacyja pra chutkaje padpisańnie pahadnieńniaŭ z zachodnimi kampanijami źjaŭlajecca elemientam cisku na Rasiju z metaj damahčysia ad jaje pierahladu cany na haz, jakuju aficyjny Kijeŭ ličyć niespraviadlivaj.U subotu, 24 vieraśnia, prezident Ukrainy Viktar Janukovič naviedaje Maskvu, dzie jašče raz abmiarkuje z rasijskim kiraŭnictvam hazavuju prablemu.
«Infarmacyja pra toje, što pahadnieńni buduć padpisanyja, niezdarma źjaviłasia napiaredadni vizitu prezidenta Viktara Janukoviča ŭ Maskvu dla pieramovaŭ ab canie pryrodnaha hazu. Čakajecca, što hetyja pieramovy buduć niaprostymi», — skazaŭ čalec kamiteta Viarchoŭnaj rady pa TEK Alaksandr Hudyma.
«Damovy z zachodnimi kampanijami sapraŭdy mohuć być padpisanyja, ale, jak pakazvaje dośvied Shell, heta zusim nie značyć, što zdabyča hazu pačniecca tak chutka, jak raźličvajuć u Minenierha. Tamu chutčej za ŭsio ich padpisańnie — heta sapraŭdy elemient cisku na «Hazprom», — adznačaje načalnik analityčnaha adździeła inviestkampanii «Brokierkredytsiervis» Maksim Šein.
Pavodle kansiervatyŭnych acenak, zapasy słancavaha hazu va Ukrainie mohuć składać paradku 5 trłn kubamietraŭ. U krainie jość taksama mietanavy haz, zapasy jakoha jašče treba budzie acanić.
Ukrainskaje kiraŭnictva damahajecca pierahladu dziejnaha hazavaha kantraktu, padpisanaha ŭ 2009 hodzie za tahačasnym premjeram Julijaj Cimašenka, jakaja ciapier u suviazi z hetym znachodzicca pad sudom pa abvinavačańni ŭ pieravyšeńni paŭnamoctvaŭ. Adnačasova aficyjny Kijeŭ zajaŭlaje pra namier źnizić zakupki rasijskaha paliva.