U Minsku projdzie prezientacyja muzieja-zapaviednika «Kulikova pole» 2

Prezientacyja Dziaržaŭnaha vajenna-histaryčnaha i pryrodnaha muzieja-zapaviednika «Kulikova pole» (Tulskaja vobłaść) adbudziecca 23–27 vieraśnia ŭ Rasijskim centry navuki i kultury ŭ Minsku.

Pavodle infarmacyi biełaruskaha pradstaŭnictva Fiederalnaha ahienctva pa spravach SND, suajčyńnikaŭ, jakija žyvuć za miažoj, i pa humanitarnym supracoŭnictvie (Rassupracoŭnictva), padčas prezientacyi budzie pracavać vystava «Kulikova pole. Simvały. Znaki. Uvasableńnie» Ramana Sałopava, fotamastaka muzieja-zapaviednika.

Vystava, na dumku Sałopava, — heta «cudoŭnaja mahčymaść zavočna adkryć dla siabie

śviatyja dla kožnaha rasijanina miescy».

Jak zaznačajecca ŭ paviedamleńni Rassupracoŭnictva, mastak staviŭ pierad saboj metu «pakazać, jakija vobrazy ŭźnikali ŭ našych prodkaŭ u adzin z samych dramatyčnych momantaŭ ich žyćcia».

Aprača vystavy ŭ prahramu prezientacyi muzieja-zapaviednika ŭvachodzić demanstracyja dvuch dakumientalnych filmaŭ, u pryvatnaści, pra padziei Kulikoŭskaj bitvy, a taksama pra sučasnych daśledčykaŭ Kulikova pola. Zapłanavany šerah sustreč z kiraŭnictvam i supracoŭnikami muzieja.

U Rassupracoŭnictvie zaznačyli, što ŭdzieł u prezientacyi muzieja biaspłatny, ale patrabuje papiaredniaha zapisu pa telefonie 8 (017) 328-49-58.

Zachar Ščarbakoŭ, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH