Jašče 30 žniŭnia Alaksandr Łukašenka zahadaŭ bankam, kab tyja dazvolili nasielnictvu pieravieści rublovyja ŭkłady ŭ valutnyja. «Varta arhanizavać pracu takim čynam, kab nasielnictvu pry hetym nie treba było zdymać rubli z banku, iści ŭ abmienny punkt i nabyvać valutu, usio pavinna być zroblena na miescy», – zajaviŭ Łukašenka.
Praź miesiac banki pačali vykonvać jahonaje daručeńnie. «Kali ŭ vas jość układ u biełaruskich rublach, vy možacie źviarnucca z damovaj i pašpartam u luboje adździaleńnie banku. Na vašuju prośbu vašyja hrošy bieznajaŭnym šlacham pieraniasuć na novy ŭkład, – tłumačać u klijenckaj słužbie «Bielinviestbanku». – Što da adsotkaŭ, to, naprykład, na rublovym «Piensijnym» (terminam adzin hod) staŭka składaje 38 % hadavych. A voś na terminovym valutnym układzie prybytak składzie 8–9,5 % hadavych u zaležnaści ad umovaŭ kantraktu».
Nijakich bonusaŭ, pavyšanych i panižanych adsotkaŭ dla tych, chto pieravodzić svoj depazit, nie praduhledžana.