pra heta BiełaPAN paviedamiła pravaabaronca Nasta Łojka.
«Na siońnia jašče dakładna nie viadoma, kudy Źmitra pieraviaduć, heta stanie viadoma ŭ najbližejšyja dni, — skazała Łojka. — Jość čatyry varyjanty kałonij, kudy jaho mohuć adpravić: Hłybokaje, Mazyr, Vaŭkavysk abo Ivacevičy».
Pavodle słoŭ Łojki, advakat Daškieviča źbirajecca sustrecca ź im, jak tolki jaho pieraviaduć u kałoniju. Advakat miarkuje, što ŭ suviazi ź pieravodam u inšaje miesca adbyvańnia pakarańnia Daškievič moh spynić haładoŭku, jakuju jon pačaŭ 13 vieraśnia ŭ znak pratestu suprać umoŭ utrymańnia kankretna ŭ horackaj kałonii.
Ab tym, što Daškieviča pieravodziać u inšuju kałoniju, stała viadoma viečaram 20 vieraśnia. U toj ža dzień jašče adzin palitźniavoleny, kandydat u prezidenty na vybarach 2010 hoda Andrej Sańnikaŭ, byŭ pieraviedzieny z navapołackaj kałonii ŭ babrujskuju.
