VUP u Biełarusi za studzień—žnivień uzros na 9,1% 3

Vałavy ŭnutrany pradukt Biełarusi za studzień-žnivień uzros na 9,1% adnosna anałahičnaha letašniaha pieryjadu i skłaŭ 155,1 trłn. rubloŭ, paviedamiła pres-słužba Nacyjanalnaha statystyčnaha kamiteta.

Hetaja dynamika vyšejšaja za hadavyja prahnoznyja pakazčyki. U adpaviednaści z prahnozam sacyjalna-ekanamičnaha raźvićcia, u 2011 hodzie pryrost VUP pavinien skłaści da adpaviednaha ŭzroŭniu 2010 hoda 9–10%.

Vytvorčaść pramysłovaj pradukcyi za vosiem miesiacaŭ uzrasła na 11% i skłała 174,6 trłn. rubloŭ (hadavy prahnoz rostu — 9–9,5%). Udzielnaja vaha adhružanaj inavacyjnaj pradukcyi ŭ ahulnym abjomie adhružanaj pradukcyi skłała 16,9%, što vyšej za hadavy prahnozny pakazčyk (12–13%).

Abjom sielskahaspadarčaj vytvorčaści ŭ haspadarkach usich katehoryj uzros na 0,5% (prahnoz na hod — rost na 7–8%), pry hetym u sielhasarhanizacyjach vytvorčaść pavialičyłasia na 1,1%.

Pryrost inviestycyj u asnoŭny kapitał skłaŭ 18,9% (hadavy prahnoz 16–17%). Uviedziena ŭ ekspłuatacyju 3 młn. 168,9 tys. kv. mietraŭ žylla (na 14,2% mienš za letašni pakazčyk).

Abjom pieravozki hruzaŭ transpartam uzros na 8,8%, roźničny tavaraabarot — na 13,1%.

Spažyvieckija ceny ŭzraśli ŭ žniŭni 2011 hoda na 8,9% da lipienia i na 53,6% da śniežnia 2010 hoda. Ceny vytvorcaŭ pramysłovaj pradukcyi ŭ žniŭni da lipienia pavysilisia na 6%, da śniežnia 2010 hoda — na 67%.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH