Ułady zachodnieafrykanskaj Respubliki Hvinieja-Bisau (RHB) zajavili pra hatoŭnaść pryniać u siabie byłoha livijskaha dyktatara Muamara Kadafi. Ciapier nieviadoma, dzie znachodzicca Kadafi, chacia infarmacyja pra jaho ŭcioki ź Livii ŭ inšyja krainy źjaŭlajecca rehularna, paviedamlaje tut.by sa spasyłkaj na newsru.com.
Jak zajaviŭ prem'jer-ministr RHB Karłuša Homieš Małodšy,
jaho kraina «prymie Kadafi z raskrytymi abdymkami, kali toj taho pažadaje, i pakłapocicca pra jaho biaśpieku».
Raniej kiraŭnik kabinieta ministraŭ zajaŭlaŭ, što «Kadafi źjaŭlajecca siabram RDB», nazyvajučy pry hetym naloty avijacyi NATO na Liviju «vidavočnym parušeńniem pravoŭ suvierennaj dziaržavy».
Respubliku Hvinieja-Bisau źviazvali z režymam Kadafi ciesnyja ekanamičnyja adnosiny. Trypali inviestavaŭ srodki ŭ hatelny i sielskahaspadarčy siektar RHB, a taksama inšyja haliny.
Za pałkoŭnikam praciahvajecca palavańnie. Jaho pošukami zajmajucca adrazu niekalki śpiecatradaŭ.
Novyja ŭłady ŭ Livii zasnavali śpiecyjalnaje bajavoje padraździaleńnie, jakomu pastaŭlena zadača złavić zrynutaha lidera krainy.
Na hetym tydni ŭ ŚMI źjaŭlałasia infarmacyja ab uciokach Kadafi to ŭ Nihier, to ŭ Burkina-Faso, adnak nieŭzabavie hetyja źviestki asprečvalisia. Šukali Kadafi i ŭ Livii, ale hetak ža biespaśpiachova.
tut.by
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH