Lik achviaraŭ krušeńnia paroma la Zanzibara dasiahnuŭ 200 čałaviek

Ułady tanzanijskaj vyspy Zanzibar abviaścili ab pačatku trochdzionnaj žałoby ŭ suviazi z hibiellu bolš za 200 pasažyraŭ paroma, jaki patanuŭ napiaredadni kala ŭschodniaha ŭźbiarežža Tanzanii.

Parom MV Spice Islander zatanuŭ, kali rabiŭ rejs z vostrava Zanzibar na macierykovuju Tanzaniju.

Dakładnaja kolkaść ludziej jakija znachodzilisia na borcie, nieviadomaja, adnak, pavodle źviestak ahienctvaŭ, jon na sotni pieravyšaŭ dapuščalny limit u 600 čałaviek.

Nieapaznanymi zastajucca jašče 28 ciełaŭ zahinuŭšych.

Prezident Zanzibaru Ali Machamied Šejn u suviazi z žałobaj zahadaŭ pryspuścić usie ściahi na archipiełahu. Zanzibar źjaŭlajecca paŭaŭtonomijaj u składzie Tanzanii i ad 2005 hoda maje svoj ściah i kirujecca prezidentam i ŭłasnym parłamientam.

Mocny viecier u rajonie karablekrušeńnia moža pieraškodzić praviadzieńniu pošukava-vyratavalnaj apieracyi. Pradstaŭniki palicyi vykazvali pieraściarohi, što vada moža adnieści cieły zahinułych na značnuju adlehłaść ad vyspy Piemba, jakaja naležyć Tanzanii i znachodzicca za 40 kiłamietraŭ na poŭnač ad Zanzibara. Da pošukavaj apieracyi padklučylisia vajennyja i vadałazy z PAR i brytanskija viertaloty.

RIA Novosti

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH