Eks-premjer Ukrainy, lider partyi "Baćkaŭščyna" Julija Cimašenka ličyć, što sudovy praces suprać jaje zavieršycca abvinavaŭčym prysudam i za kratami jaje žyćciu budzie pahražać niebiaśpieka.
"Ja dumaju, što majo asudžeńnie było pieradvyznačana jašče da pačatku sudovaha pracesu. U hetaj častcy śvietu my, na žal, vielmi dobra znajomyja ź miechanizmam pakazalnaha sudzilišča", - skazała eks-premjer u intervju vydańniu "The Times", paviedamlajecca na piersanalnym sajcie Ju. Cimašenka.
"Ja nikoli nie dam Janukoviču i jaho režymu zadavalnieńnia pačuć choć najmienšy namiok na strach z majho boku. Ale kali ščyra pahladzieć na hetaha čałavieka i jaho dziejańni, stanovicca zrazumieła, što nielha paručycca za maju asabistuju biaśpieku" , - skazała Ju. Cimašenka.
Ju. Cimašenka raspaviała, što ciapier čytaje lekcyi birmanskaj lidarki apazicyi Aun San Su Čžy ab svabodzie. "Na praciahu 20 hadoŭ birmanskaja dyktatara sprabavała złamać jaje, ale jana ŭsio jašče zastajecca jarkim prykładam. Ja z usich sił pasprabuju pierajmać jaje mužnaść".
Hienieralnaja prakuratura abvinavačvaje Ju. Cimašenka ŭ pieravyšeńni słužbovych paŭnamoctvaŭ pry zaklučeńni "hazavych kantraktaŭ" z Rasijaj u 2009 hodzie, čym dziaržavie byli pryčynienyja straty na sumu bolš za 1,5 młrd hrn.
Sud pačaŭ razhlad "hazavaj spravy" 24 červienia. 5 žniŭnia na pasiadžeńni suda Ju. Cimašenka była aryštavanaja.
Sankcyja artykuła praduhledžvaje pazbaŭleńnie voli na termin ad 7 da 10 hadoŭ z pazbaŭleńniem prava zajmać peŭnyja pasady da 3-ch hadoŭ.
