«Mahnifikat»: pieramoh amierykanska-polski film «Łabirynt»

Hran-pry fiestyvala mižnarodnaha katalickaha fiestyvalu chryścijanskich dakumientalnych filmaŭ i teleprahram Magnificat, jaki prajšoŭ u Minsku i Hłybokim, atrymaŭ amierykanska-polski dakumientalny film «Łabirynt».

Stužka raspaviadaje pra los palaka katalika Marjana Kaładzieja, jaki adnym ź pieršych trapiŭ u kancłahier «Aŭšvic», dzie prabyŭ piać hadoŭ. Adnak jon pra heta nie raskazvaŭ, pakul u jaho nie zdaryŭsia apapleksičny ŭdar. Svajo lačeńnie Marjan pačaŭ z malunkaŭ, kab vykazać praź ich uvieś pieražyty žach.

Akramia taho, roznymi pryzami byli adznačany filmy i pieradačy biełaruskaj vytvorčaści. Pryz i dypłom za vyvučeńnie i raskryćcio chryścijanska-katalickaj tematyki ŭ filmie «Znaki śviataści» i telepieradačy «Podźvih śviatoha Maksimilijana Kolbe» atrymała adzin z aŭtaraŭ teleprahramy «Isnaść» (Pieršy nacyjanalny telekanał) Ina Sabaleŭskaja. Z farmuloŭkaj

«Za zachavańnie pamiaci unikalnaj asoby — Edvarda Vajniłoviča — zasnavalnika mnohich śviatyń ŭ Biełarusi» adznačany dakumientalny film «Malitva za Biełaruś» studyi «Čyrvony kaścioł».

Śpiecpryz kanhrehacyi ajcoŭ-francyskanaŭ «Za vysokaje prafiesijnaje i kiniematahrafičnaje daśledavańnie składanaha šlachu čałavieka da Boha i viery» atrymała dakumientalnaja stužka «Vialikdzień na Łysaj hary» studyi imia śviatoha Iaana Voina (Śviata-Jelisaviecinski manastyr).

Akramia taho, Hłybocki rajvykankam adznačyŭ biełaruskich udzielnikaŭ dvuma svaimi pryzami.

Pryz imia Ihnata Bujnickaha «Za adlustravańnie narodnych tradycyj u spałučeńni z chryścijanstvam» prysudžany filmu «Try karali. Vadochryšča» Biełaruskaha videacentru.

Hałoŭny ž pryz miascovych uładaŭ «Za paśladoŭny i aryhinalny pakaz pošukaŭ šlachoŭ da Boha» dastaŭsia stužcy «Inakinia» (studyja imia śviatoha Iaana Voina).

U hetym hodzie Magnificat prajšoŭ užo ŭ siomy raz. Jon pačaŭsia 6 vieraśnia ŭ Minsku, a zatym pierajechaŭ u Hłybokaje i Udzieła. U fiestyvali ŭdzielničali nie tolki katalickija, ale pravasłaŭnyja i pratestanckija aŭtary. Ich filmy pryśviečany jak čysta relihijnaj, tak i śvieckaj tematycy. U hetym hodzie

prahramu kinaforumu skłali pracy z Armienii, Biełarusi, ZŠA, Litvy, Izraila, Ispanii, Italii, Polščy, Rasii, Słavakii, Ukrainy, Francyi i Čechii.

Mižnarodny katalicki fiestyval chryścijanskich dakumientalnych filmaŭ i teleprahram Magnificat patranuje Kanfierencyja katalickich biskupaŭ Biełarusi. Jon byŭ zasnavany katalickaj asacyjacyjaj «Signis-Biełaruś», studyjaj «Stop-kadr», a taksama Viciebskaj katalickaj japarchijaj i časopisam «Dyjałoh». Fiestyval nakiravany na jevanhielizacyju hramadstva, padtrymku ahulnačałaviečych kaštoŭnaściaŭ praz pracy biełaruskich i zamiežnych majstroŭ kino i telebačańnia.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH