Rajcentr Lepiel Viciebskaj vobłaści 10--11 vieraśnia śviatkuje Dzień horada -- 572-hodździe ad pieršaj zhadki ŭ letapisach.
Śviata pačałosia z uračystaha adkryćcia pomnika žycharu Lepiela.
Skulptura, ustalavanaja na płoščy Svabody, tak i nazyvajecca - "Lepielec". Jon vykanany ŭ naturalnuju vieličyniu, ale bolš padobny na žychara vioski, čym na mieściča, - kala jaho noh siadzić skulpturnaje parasia.U ruce "Lepielec" trymaje manietu.
Varta adznačyć, što
adkryvać novyja pomniki da dnia naradžeńnia horada ŭ Lepieli stała ŭžo tradycyjaj.Tak, hod tamu la ŭvachodu ŭ miascovy park źjaviŭsia pomnik zasnavalniku horada - hietmanu Vialikaha Kniastva Litoŭskaha Lvu Sapiehu. A dva hady tamu, da 570-hodździa horada, na bierazie voziera Lepielskaje pastavili skulpturu Rusałački. Biełaruskaja Rusałačka, u adroźnieńnie ad viadomaj słavutaści dackaha Kapienhahiena, siadzić nie na kamieni, a na pni, a ŭ ruce trymaje bieły harłačyk.
0
0
0
0
0
0
