Zahadčyca Adździełam pravavoha supracoŭnictva Departamienta mižnarodnaha prava Ministerstva justycyi Litvy Andrada Baviejan za vydaču bankaŭskich dadzienych biełaruskaha pravaabaroncy Alesia Bialackaha ŭstanovam Biełarusi atrymała zaŭvahu i pazačarhovuju acenku kvalifikacyi.
Pra heta ŭ piatnicu paviedamiŭ ministr justycyi Remihijus Šymašus, adznačyŭšy, što padčas pravierki było ŭstanoŭlena, što zahadčycy
nie chapiła inicyjatyvy i praniklivaści.
Šymašus raniej kazaŭ, što za vydaču dadzienych ab Bialackim adkaznymi mohuć być pryznanyja try čałavieki, ale kiraŭnik Departamienta mižnarodnaha prava Aŭšra Biernacienie syšła z pasady, a ŭ adnoj sa śpiecyjalistaŭ Adździeła pravavoha supracoŭnictva, jak pryznana, nie było pastajannych abaviazkaŭ pradastaŭlać pravavuju dapamohu — jana adkazvała tolki za pryjom dakumientaŭ i ich pieradaču inšym.
Na pytańnie, ci nie źjaŭlajucca zanadta miakkimi sankcyi, ministr justycyi padkreśliŭ, što pazačarhovaja adznaka kvalifikacyi moža vyklikać bolš ciažkija nastupstvy dla zahadčycy adździełam.
«Paśla pravierki kvalifikacyi čałavieka mohuć panizić,a naohuł, ja mahu paradavacca, što žyvu nie ŭ Biełarusi, i sankcyi tut nie pryznačajucca pa palityčnaj zamovie», — skazaŭ ministr.
Taksama palityk pryznaŭ, što
ŭ chadajnictvie ab pravavoj dapamozie Biełarusi byli farmalnyja nieadpaviednaści, ale takija nieadpaviednaści zdarajucca časta i nie źjaŭlajucca padstavaj dla taho, kab admović u pradastaŭleńni źviestak pa damovie ab pravavoj dapamozie.
Nahadajem, što Ministerstva justycyi Litvy paćvierdziła, što pieradało dadzienyja Biełarusi ab bankaŭskich rachunkach aktyvistaŭ pravaabarončaj arhanizacyi «Viasna» Bialackaha i Stefanoviča ŭ Litvie.
Pieradaču infarmacyi krytykujuć jak palityki, tak i pravaabaroncy.
MZS Litvy zajaviŭ, što jašče ŭ červieni rekamiendavaŭ inšym ustanovam Litvy nie pradastaŭlać dadzienyja Biełarusi, bo jana moža być vykarystanaja suprać apazicyi, ale ministr justycyi Šymašus śćviardžaje, što MZS «nie abciažaryŭ siabie tym, kab infarmavać Miniust, što jość zona ryzyki, źviazanaja z pradastaŭleńniem pravavoj dapamohi, i što da ŭsich chadajnictvaŭ Biełarusi treba stavicca śpiecyfična».
Akramia hetaha, pačulisia sumnievy ŭ tym, što
dyrektar Departamienta mižnarodnaha prava Miniusta Aŭšra Biernacienie była nieabjektyŭnaj. U muža Biernacienie ŭ Biełarusi jość advakackaja kantora, tamu paŭstali sumnievy, ci nie zamiašanyja tut asabistyja intaresy.Pa słovach Šymašusa, adkaznaść za pieradaču dadzienych, mahčyma, pryjdziecca ŭziać na siabie jašče dvum słužbovym asobam ministerstva.Paśla hetaha Biernacienie zvolniłasia z pasady.
Dadzienyja ab Bialackim pieradała i Polšča, ministr zamiežnych spraŭ Radasłaŭ Sikorski ŭžo prynios vybačeńni za heta, a niekatoryja słužbovyja asoby Hienprakuratury Polščy byli zvolnienyja.
