zajaviŭ 7 vieraśnia napres-kanfierencyi staršynia praŭleńnia Biełaruskaj aŭtamabilnaj asacyjacyi (BAA) Siarhiej Michnievič.
«Pierśpiektyva rostu prodažu novych aŭtamabilaŭ u našaj krainie prama zaležyć ad stabilizacyi ŭ ekanomicy, jaje rostu i rostu pakupnickaj zdolnaści nasielnictva. My ŭsie čakajem stabilizacyi ŭ ekanomicy i finansavaj śfiery. My ŭpeŭnieny, što tak doŭha hetyja prablemy nie pavinny praciahvacca», — adznačyŭ Michnievič.
Na dumku BAA, jakaja abjadnoŭvaje aŭtadyleraŭ i aficyjnych imparcioraŭ, rašeńni, pryniatyja na ŭzroŭni kiraŭnictva krainy, pavinny ŭ najbližejšyja miesiacy stabilizavać situacyju.
«I my ŭžo siońnia bačym na cieniavym rynku pazityŭny trend źnižeńnia kursu dołara da biełaruskaha rubla.U suviazi z hetym my aptymistyčna hladzim na adkryćcio dadatkovaj handlovaj siesii na biržy i ličym, što hetaj vosieńniu krainie varta čakać stabilizacyi nie tolki ŭ ekanomicy, ale i na aŭtamabilnym rynku», — skazaŭ Michnievič.
Kiraŭnik BAA miarkuje, što ŭ biełaruskaha aŭtabiźniesu vielmi dobryja pierśpiektyvy. «Pavodle mierkavańnia šmatlikich analitykaŭ, biełaruski aŭtamabilny rynak źjaŭlajecca vielmi pryvabnym z punktu hledžańnia adkładzienaha popytu i patencyjału rostu», — padkreśliŭ jon.
«Naša kraina źjaŭlajecca lidaram siarod krain SND pa aŭtamabilizacyi, ale pracent novych aŭtamabilaŭ, jakija pradavalisia, usie hetyja hady zastavaŭsia vielmi nizkim i ŭ lepšyja hady nie pieravyšaŭ 15% ad ahulnaha liku ŭviezienych aŭtamabilaŭ», — adznačyŭ Michnievič. Pavodle jaho słoŭ, u susiednich krainach SND situacyja vyhladaje z dakładnaściu da naadvarot.
