«Majo kachańnie bolšaje za kadziłak» + videa najlepšych piesień 4

Voś čaho ŭ 50-ja chapała, dyk heta rok-n-rolščykaŭ (majecca na ŭvazie Zachad, bo na Uschodzie ich i paśla asabliva nie chapała): kožny, chto moh zryfmavać «baby» i «maybe» mahli śmieła iści ŭ studyju.

Voś, naprykład, Badzi Choli. Čaho, zdavałasia b, možna čakać ad chłopca ŭ durackich akularach, jakoha, miarkujučy pa vyhladzie, vyciahnuli z univiersiteckaj biblijateki i prymusili hrać na hitary. Adnak, jak vyśvietliłasia paśla,

Badzi Choli i jahonyja The Crickets za 18 miesiacaŭ (da trahičnaj śmierci Choli) paśpieli bolš, čym Ełvis i Bił Chejli ŭziatyja razam i pamnožanyja na dva.

Chity na ŭsie časy sypalisia z Choli ŭ nievierahodnaj kolkaści —

jon, darečy, prydumaŭ, što pieśni možna nie tolki śpiavać, ale jašče i pisać.

I pakul Ełvis śpiavaŭ 118-ju pieśniu sa słovam «love» u naźvie, Badzi napisaŭ bieśmiarotny radok «Majo kachańnie bolšaje za kadziłak». The Rolling Stones, Stray Cats, The Grateful Dead — dy i jašče tysiačy hurtoŭ dahetul śpiavajuć jaho pieśni. The Beatles uvohule pačali śpiavać, nasłuchaŭšysia jahonych zapisaŭ.

Navat u minskich pierachodach možna pačuć jahony «Oh Boy!».

Niadaŭna, dziakujučy rekłamnamu roliku syru Panda, staraja pieśnia Badzi Choli True Love Ways virusna zapoŭniła internet (a joj usiaho tolki 50 ź lišnim hadoŭ).

Zahinuŭ Badzi Choli va ŭzroście 23 hadoŭ u aviakatastrofie, razam z dvuma inšymi muzykami. Ciapier na miescy katastrofy samalota staić miemaryjał — znakamityja akulary Choli.

A voś kłasičnaja Not Fade Away (taja samaja, dzie «kadziłak»), jakaja stała adnym ź pieršych chitoŭ The Rolling Stones.

JUU

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH