Šmatfunkcyjanalnyja bieśpiłotnyja latalnyja aparaty płanujuć vyrablać śpiecyjalisty AAT «558 avijacyjny ramontny zavod» sumiesna z Kazanskim nacyjanalnym daśledčym techničnym univiersitetam.
Jak paviedamiŭ «IP» načalnik upraŭleńnia pa raźvićci AAT «558 avijacyjny ramontny zavod» Pavieł Słučak, adpaviednaja kamiercyjnaja damova pamiž biełaruskim i rasijskim bokam byŭ padpisany na Mižnarodnym avijasałonie «MAKS-2011». Pavodle jaho słoŭ, novy latalny aparat budzie masaj da 200 kh, daŭžynioj kala 4 m i razmacham kryłaŭ kala 8 m. Jon moža słužyć jak dla hramadzianskich, tak i dla vajennych metaŭ. Naprykład, dla manitorynhu pavierchni ziamli.
«Dumaju, da kanca hetaha hoda našy śpiecyjalisty sumiesna z rasijskimi kalehami kančatkova vyznačacca z abliččam latalnaha aparata i terminami rabot, a da kanca nastupnaha hoda my vypuścim pieršyja mašyny», — rastłumačyŭ Pavieł Słučak.
Padobnaja vytvorčaść na bazie AAT «558 avijacyjny ramontny zavod» roŭna jak i va ŭsioj Biełarusi budzie naładžana ŭpieršyniu. Štohod u Baranavičach płanujecca vypuskać kala 15 takich latalnych aparataŭ, jakija zatym možna budzie pradavać. Ažyćciaŭlać finansavańnie prajekta i atrymlivać prybytak ad prodažaŭ buduć abodva baki.
«Heta naša sumiesnaja inicyjatyva z rasijskimi partniorami, nakiravanaja na ŭzajemavyhadnaje supracoŭnictva, — rastłumačyŭ Pavieł Słučak. — Kazanski nacyjanalny daśledčy univiersitet — siońnia viadučy ŭ halinie avijabudavańnia univiersitet u Rasii. U dalokija savieckija časy Baranavicki avijazavod ŭžo supracoŭničaŭ z hetaj ustanovaj, ale potym suviazi zhubili. Ciapier my adnaŭlajem hetaje supracoŭnictva ŭ zusim novym dla nas napramku».
