Adkryvajecca rehularny ruch elektraciahnikoŭ u ramkach prajekta «Haradskija linii» +raskład ruchu ad 10 vieraśnia. 4

Biełaruskaja čyhunka 10 vieraśnia adkryvaje rehularny ruch elektraciahnikoŭ u ramkach prajekta «Haradskija linii», paviedamili BiełaPAN u pres-słužby BČ.

Novyja haradskija elektryčki pačali jeździć u testavym režymie 1 lipienia 2011 h.

Elektraciahniki buduć kursiravać 18 razoŭ na dzień z 5.00 da 21.00 ad stancyi Minsk-pasažyrski da stancyi Biełaruś (Zasłaŭje) i nazad. Prypynki praduhledžanyja na stancyjach: Minsk-Paŭnočny, Masiukoŭščyna, Labiažy, Ždanovičy, Minskaje mora, Ratamka, Kryžoŭka, Zialonaje.

Śpiecyjalistami Biełaruskaj čynunki raspracavany i ŭzhodnieny ź Ministerstvam finansaŭ błank bileta na pajezdku ŭ elektraciahnikach haradskich linij. Košt bileta składzie 2 tysiačy biełaruskich rubloŭ niezaležna ad adlehłaści nakiravańnia pasažyra.

Nahadajem, prajekt «Haradskija linii» praduhledžvaje ŭviadzieńnie novaha farmatu pasažyrskich pieravozak. Jaho ažyćciaŭleńnie Biełaruskaja čyhunka pačała ŭ 2010 hodzie.

Elektraciahniki «Haradskich linij» źviažuć Minsk z najbližejšym pryharadam i haradami-spadarožnikami stalicy. Jany pašyrać transpartnuju dastupnaść dla minčan i turystaŭ, źniziać nahruzku da darožnuju sietku Minska i hramadski transpart, palepšać ekałahičnuju abstanoŭku, adznačajuć u BČ. Elektraciahniki vykanajuć funkcyi «naziemnaha mietro» i daduć pasažyram mahčymaść ź minimalnymi zatratami času ažyćciaŭlać pieramiaščeńnie i rabić pierasadki na inšyja vidy haradskoha transpartu.

Raskład ruchu ciahnikoŭ haradskoj linii na ŭčastku Minsk—Zasłaŭje ad 10.09.11 h.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH