Eks-prezident Polščy Lech Valensa paviedamiŭ, što admaŭlajecca pryniać ad prezidenta Litvy adnu z samych hanarovych uznaharodaŭ - Vialiki kryž Ordena Vitaŭta Vialikaha, takim čynam vykazvajučy svoj pratest suprać stanovišča palakaŭ u Litvie.
«U metach umacavańnia supracoŭnictva pamiž našymi krainami, ja chacieŭ by pryniać hetuju ŭznaharodu.Ale ja hłyboka zaniepakojeny ciapierašniaj situacyjaj nakont pravoŭ maich suajčyńnikaŭ u śfiery svajoj movy, zachavańnia tradycyj i pavahi da polskaj kultury», - havorycca ŭ liście, adrasavanym pasolstvu Litvy.
Valensa padziakavaŭ Hrybaŭskajcie za toje, što Litva pryznała jaho ŭkład u raźvićcio dvuchbakovych adnosinaŭ,
ale skazaŭ, što jon upeŭnieny, što pravy polskaj mienšaści pavinny ŭmacoŭvacca, a nie abmiažoŭvacca.
Hrybaŭskajcie ŭznaharodziła Valensu 10 červienia.
Ministerstva zamiežnych spraŭ, jakoje viasnoj prapanavała ŭznaharodzić Valensu, padkreśliła, što tak aceńvajucca zasłuhi Valensy ŭ farmiravańni dvuchbakovych adnosin i padtrymka niezaležnaści Litvy. Tady ministerstva śćviardžała, što łaŭreat Nobieleŭskaj premii miru Lech Valensa staŭ simvałam vyzvaleńnia Uschodniaj i Centralnaj Jeŭropy.
«Pačaty im praces supracivu tatalitarnaj sistemie dapamoh krainam Uschodniaj i Centralnaj Jeŭropy, u tym liku - i Litvie, adnavić niezaležnaść i svabodu», - śćviardžajecca ŭ dakumiencie.
Valensa ŭ 1994 h. razam z prezidentam Litvy Alhirdasam Brazaŭskasam padpisaŭ damovu ab siabroŭskich adnosinach i supracoŭnictvie.
Vialiki kryž ordena Vitaŭta Vialikaha - treciaja pa značeńni vyšejšaja ŭznaharoda litoŭskaj dziaržavy. Joj uznaharodžvajucca kiraŭniki i hramadzianie Litvy i zamiežnych krain za asablivyja zasłuhi pierad Litvoj.
U apošni čas adnosiny pamiž Litvoj i Polščaj azmročanyja roznahałośsiami pry acency stanovišča nacyjanalnych mienšaściaŭ.Polšča krytykuje pałažeńni novaha Zakona ab adukacyi, zhodna ź jakim u škołach nacmienšaściaŭ ŭzmacniajecca vyvučeńnie litoŭskaj movy, choć litoŭcy, jakija pražyvajuć u Polščy, śćviardžajuć, što navat paśla hetaha ŭ palakaŭ u Litvie budzie lepšaja, čym u ich, mahčymaść vučycca na rodnaj movie.