Maci zahinułaha na «Pinskdrevie» adsudziła 30 młn rubloŭ kampiensacyi 3

Pravaabaronca Uładzimir Malej nie byŭ dapuščany na sudovy praces u jakaści pradstaŭnika maci zahinułaha padčas avaryi na «Pinskdrevie» Jaŭhiena Raputy. Tym nie mienš, sprava była vyrašanaja na karyść Ludmiły Raputy. Pradpryjemstva vypłacić joj kampiensacyju ŭ pamiery 30 miljonaŭ rubloŭ

Ludmiła Raputa praz sud damahałasia ad STAA «Pinskdreŭ-DSP» kampiensacyi maralnaj škody za śmierć syna padčas vybuchu na pradapryjemstvie 25 kastryčnika 2010 hoda. Sud admoviŭ žančynie ŭ pravie atrymać kvalifikavanuju jurydyčnuju dapamohu, zabaraniŭšy inśpiektaru niezaležnaha prafsajuzu REP Uładzimiru Maleju pradstaŭlać jejnyja intaresy.

Ale Uładzimir Malej zdoleŭ naležnym čynam padrychtavać da sudovaha pasiadžeńnia ŭsie nieabchodnyja dakumienty i dokazy, što dazvoliła schilić sud na bok maci zahinułaha pracaŭnika. 5 vieraśnia sud svaim rašeńniem abaviazaŭ administracyju pradpryjemstva vypłacić Ludmile Rapucie kampiensacyju maralnaj škody ŭ pamiery 30 miljonaŭ rubloŭ.

Nahadajem, što 25 kastryčnika 2010 hoda na zavodzie «Pinskdreŭ-DSP» (Pinsk) adbyŭsia vybuch, u vyniku jakoha zahinuli 14 čałaviek, 7 atrymali cialesnyja paškodžańni

0

0

0

0

0

0

spring96.org

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH