«Apałon-18» Biekmambietava: novy ich adkaz amierykancam kino 3

U minskich kinateatrach idzie novy film rasijskaha pradusara Cimura Biekmambietava «Apałon 18».

Takija filmy nazyvajucca «makjumientary» — stylizacyja pad amatarskija ci chranikalnyja zdymki. Režysior pa-postmaderniscku imituje videa z archivaŭ NASA pra toje, jak u 1974-m amierykancy vysadzilisia na Miesiacy. A tam — mirny saviecki spadarožnik, pryčym ź mirnym savieckim astranaŭtam. Praŭda, miortvym.

A paśla pačynajecca nieviadoma što — niechta rvie amierykanski ściah, tym samym demaralizuje amierykancaŭ i, vidać, maje namier takim čynam unieści raŭnavahu ŭ saviecka-amierykanskuju kankurencyju. Kab nichto nie moh skazać paśla, što «ŭdała źlotali».

Kali była taja «chałodnaja vajna», a duch procistajańnia sistem jašče nie vyvietryŭsia.

Zachodni prajekt Biekmambietava, pa mierkavańni kinakrytykaŭ, vyjšaŭ sumnavaty. Možna razhladać karcinu jak adkaz na halivudskija filmy pra SSSR — mnohija pamiatajuć žudkaha, ale simpatyčnaha savieckaha kasmanaŭta ŭ abłavušcy ź filma «Armahiedon».

Adnak tym, kaho cikavić Miesiac jak taki, film padasca cikavym. I, što nie charakterna dla režysiora ŭsich «Dazoraŭ» Biekmambietava, u filmie absalutna, ni ŭ jakim vyhladzie, niama Kanstancina Chabienskaha.

0

0

0

0

0

0

JUU

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH