Biełaruskija śpiecyjalisty nie ŭdzielničali ŭ vajennych dziejańniach u Livii. Pra heta zajaviŭ BiełaPANpres-sakratar Ministerstva zamiežnych spraŭ Andrej Savinych, kamientujučy infarmacyju, jakaja źjaviłasia ŭ ŚMI, ab tym, što na baku Muamara Kadafi nibyta vajavali biełaruskija snajpiery.
«My ŭpeŭnieny, što ŭ dačynieńni da Biełarusi dapuščana pamyłka. Heta nie moža być praŭdaj. Nam absalutna dakładna viadoma, što biełaruskich hramadzian sa zbrojaj u rukach u Livii nie było», — padkreśliŭ Savinych.
6 vieraśnia niekatoryja ŚMI raspaŭsiudzili zajavu adnaho z vajennych kiraŭnikoŭ Nacyjanalnaha pierachodnaha savieta Livii Abdela Madžyda Ibrahima ab tym, što ŭ bajavych dziejańniach na baku Kadafi ŭdzielničali hramadzianie inšych krain, u tym liku biełarusy. «My byli prainfarmavany ź niekatorych krynic raźviedki, što hrupa snajpieraŭ roznych jeŭrapiejskich nacyjanalnaściaŭ, u tym liku ŭkraincy, biełarusy i inšyja, byli pryviedzieny livijskim režymam. Pavodle atrymanaj nami infarmacyi, hrupa ŭvajšła ŭ Liviju praz port Nufiejda ŭ Tunisie, pierš čym była pierakinuta ŭ Trypali», — paviedamiŭ jon.
Źviestki pra ŭdzieł biełaruskich śpiecyjalistaŭ u vajennych dziejańniach i ab pastaŭkach biełaruskaj zbroi ŭ zony vajennych kanfliktaŭ, u tym liku ŭ Liviju, źjaŭlalisia ŭ ŚMI nieadnarazova, i štoraz aficyjny Minsk abviarhaŭ takuju infarmacyju.
Naprykład, 2 vieraśnia telekanał «Al Džazira» apublikavaŭ zdymki, zroblenyja ŭ razburanym budynku livijskaj raźviedki ŭ Trypali. Na adnym sa zdymkaŭ siarod papak z dakumientami bačny katałoh pradukcyi biełaruskaj kampanii pad nazvaj «Madernizavany ZPRK
