Były kandydat u prezidenty Biełarusi Aleś Michalevič u artykule, apublikavanym siońnia na sajcie Naviny.by («Biełorusskije novosti»), raskazvaje pra niekatoryja padrabiaznaści jaho viarboŭki Kamitetam dziaržbiaśpieki.
Nahodaj dla artykuła stała niadaŭniaja zajava administratara sacyjalnaj hrupy «UKantakcie» Siarhieja Paŭlukieviča ab tym, što supracoŭniki KDB sprabavali jaho zavierbavać pry dapamozie katavańniaŭ.
«Mnie była pastaŭlena ŭmova prostym tekstam. Mnie było prapanavana, što ja mahu być vyzvaleny tolki vyklučna ŭ vypadku, kali ja stanu tajnym ahientam», — piša Michalevič.
«U mianie časta pytajucca ab tym, što było ŭ toj papiery, jakuju ja padpisaŭ.
Tekst hetaj papiery byŭ pryblizna nastupnym:«Ja, Michalevič Alaksiej Anatoljevič, pryznaju, što mianie zamiežnyja hramadzianie vykarystoŭvali «ŭciomnuju» dla ŭčynieńnia antydziaržaŭnych spraŭ suprać Respubliki Biełaruś, i vykazvaju dobraachvotnaje žadańnie sadziejničać orhanam kontrraźviedki Kamiteta dziaržaŭnaj biaśpieki Respubliki Biełaruś,
prymajučy apieratyŭny psieŭdanim «Haŭryła», — raskazvaje Michalevič.
Pavodle słoŭ palityka, rukapisny ŭzor tekstu jamu byŭ dadzieny zahadzia. «Ja pierapisaŭ heta svajoj rukoj. Tekst byŭ składzieny ŭ adnym asobniku. Hety tekst byŭ atrymany pad fizičnym uździejańniem, pad uździejańniem ździekavańniaŭ, katavańniaŭ, jakija pravodzilisia ŭ dačynieńni da mianie», — śćviardžaje Michalevič.
U liście, vytrymki ź jakoha raspaŭsiudziŭ 4 sakavika KDB, Michalevič pisaŭ: «Pavažany Alaksandr Ryhoravič, ja zaŭsiody staviŭsia da Vas z pavahaj, i Vašy zasłuhi dla niezaležnaści Biełarusi biassprečnyja i vielmi vialikija. Padčas svajoj pieradvybarnaj kampanii ja nie skazaŭ ničoha drennaha ni na Vaš adras, ni na adras Vašych blizkich i rodnych… Ja, jak były kandydat, ščyra škaduju, što adbyŭsia kanflikt i paciarpieła šmat ludziej… Prašu Vas asabista ŭziać pad svoj kantrol pytańnie pra moj dalejšy los».
Adnak akramia hetaha, paviedamlaje Michalevič,
u liście na imia Łukašenki byŭ jašče adzin abzac, jaki, na jaho pohlad, pavinien byŭ kampramietavać jaho jašče bolš.«Ale orhany dziaržaŭnaj biaśpieki vyrašyli hety abzac vyklučyć z tekstu. Tam byŭ pryblizna taki tekst: «Ja vyrašyŭ vyłučacca ŭ kandydaty nie dla taho, kab stać prezidentam, a dla taho, kab pakazać Vam i biełaruskamu hramadstvu tyja prablemy, jakija mnohija nižejšyja kiraŭniki ad Vas utojvajuć», — raskazvaje Michalevič.
Pavodle jaho mierkavańnia, hety abzac nie byŭ apublikavany ŭ suviazi z tym, što supracoŭniki KDB uspryniali jaho na svoj adras «i, mahčyma, tamu, što jany taksama ŭtojvajuć peŭnyja rečy ad prezidenta Łukašenki».
Nahadajem, 4 sakavika KDB abvierh zajavu Michaleviča ab viarboŭcy i katavańniach u SIZA.
