Amal usie kancerty fiestyvalu projduć u Biełdziaržfiłarmonii, dzie budzie hučać jak kłasičnaja, tak i rok-muzyka. 2 kastryčnika ŭ Vialikaj kancertnaj zale ŭ vykanańni zasłužanaha artysta Rasii Mikałaja Łuhanskaha buduć hučać tvory Frederyka Šapena, Fieranca Lista (fartepijana). Na nastupny dzień z kancertam vystupić Dziaržaŭny akademičny simfaničny arkiestr Biełarusi pad kiraŭnictvam Alaksandra Anisimava. Salisty — zasłužany artyst Rasii Alaksandr Mielnikaŭ (fartepijana), łaŭreat pieršaj premii V Mižnarodnaha konkursu altystaŭ Juryja Bašmieta Nils Mienkiemiejier (Hiermanija).
Uładalnik premii «Hremi» kamierny ansambl «Salisty Maskvy» vystupić 4 kastryčnika. Dyryžor i salist — narodny artyst SSSR Juryj Bašmiet (alt), salist — łaŭreat mižnarodnych konkursaŭ Raścisłaŭ Krymier (fartepijana).
Dziaržaŭny akademičny simfaničny arkiestr Biełarusi pad kiraŭnictvam Andresa Mustaniena (Estonija) daść kancert 6 kastryčnika. U jakaści salistaŭ vystupiać łaŭreaty mižnarodnych konkursaŭ biełaruska Vieranika Pradzied (cymbały) i Ułada Bieražnaja (skrypka), a taksama Krystaf Baraci (skrypka) ź Vienhryi.
Finalnym akordam fiestyvalu Juryja Bašmieta stanie kancert viadomaj ŭkrainskaj rok-hurta «Okiean Elzi», jakaja vystupić u supravadžeńni Dziaržaŭnaha akademičnaha simfaničnaha arkiestra Biełarusi ŭ minskim Pałacy sportu (10 kastryčnika). U prahramu kancerta ŭvojduć samyja viadomyja i lubimyja słuchačami kampazicyi z usich albomaŭ hrupy.
Taksama ŭ hetym hodzie na fiestyvali Juryja Bašmieta budzie ŭ treci raz prachodzić Maładziožnaja akademija krain SND. Lepšyja studenty akademii zmohuć nie tolki atrymać biaspłatnyja ŭroki, ale i prajavić siabie ŭ adkrytych majstar-kłasach znakamitych muzykaŭ i vystupić na adnoj scenie z prafiesarami i ŭdzielnikami fiestyvalu Juryja Bašmieta. Zakryćcio moładzievaj muzyčnaj akademii adbudziecca ŭ Biełdziaržfiłarmonii 8 kastryčnika.
pavodle BiełTA
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
