Pra toje, što sajt WikiLeaks, jaki śpiecyjalizujecca na maštabnych uciečkach infarmacyi, apublikavaŭ ŭvieś archiŭ pierapiski dypłamataŭ ZŠA, jakaja apynułasia ŭ jaho rasparadžeńni, paviedamiła 2 vieraśnia Brytanskaja teleradyjoviaščalnaja karparacyja (Bi-bi-si).
"Dakumienty pradstaŭleny ŭ nieadredahavanym vyhladzie, z raskryćciom usich imionaŭ i krynic infarmacyi, u tym liku tajemnych", - havorycca ŭ paviedamleńni Bi-bi-si.
Apublikavany archiŭ źmiaščaje 251 287 dypłamatyčnych daniasieńniaŭ. Publikacyja stała vynikam roznahałośsiaŭ pamiž WikiLeaks i brytanskaj hazietaj Guardian. Sajt abvinavačvaje hazietu ŭ tym, što, u vyniku chałatnaści abo złoha namieru jaje supracoŭnika parol da archivu i tak staŭ zdabytkam hramadskaści. "My ŭžo źviazalisia ź Dziaržaŭnym departamientam ZŠA i pačali dasudovyja dziejańni", - zajaŭlaje WikiLeaks.
Parol da archivu dypłamatyčnaj pierapiski byŭ niadaŭna apublikavany ŭ knizie, aŭtarami jakoj źjaŭlajucca žurnalisty brytanskaj haziety."Guardian pryznaje, što ŭ knizie sapraŭdy nazvany parol, ale biez ukazańnia na toje, dzie možna znajści hety sakretny fajł. Da taho ž, pa śćviardžeńni haziety, jašče da vychadu knihi ŭ druk zasnavalnik WikiLeaks Džulijan Asanž paviedamiŭ, što hety parol - časovy i "budzie vydaleny ciaham bližejšych hadzin", - paviedamlaje Bi-bi-si.
Guardian i niekatoryja inšyja vydańni, jakija supracoŭničali z WikiLeaks, vystupili z aficyjnaj zajavaj, u jakoj asudzili publikacyju nieadredahavanych depiešaŭ. U zajavie havorycca, što «heta stavić pad pahrozu ludziej, jakija mieli kanfidencyjnyja znosiny z amierykanskimi dypłamatami», adznačaje Bi-bi-si.
U rassakrečanych depiešach supracoŭniki amierykanskich ambasadaŭ zhadvajuć Biełaruś u tysiačach daniasieńniaŭ. U sotniach ź ich havorka idzie ab biełaruskim prezidencie Alaksandra Łukašenku. Mnohija dakumienty, jakija apynulisia ŭ rasparadžeńni WikiLeaks, adpraŭleny niepasredna pasolstvam ZŠA ŭ Minsku, jak minimum dziesiać ź ich paznačanyja hryfam "sakretna".
Naprykład, u sakretnym daniasieńni ad 13 lutaha 2008 hoda, nibyta adpraŭlenym ŭradu ZŠA ambasadaram hetaj krainy ŭ Biełarusi Karen Ściuart, pieraličany abjekty na terytoryi krainy, jakija ŭjaŭlajuć pa viersii amierykanskich dypłamataŭ, patencyjnuju pahrozu biaśpiecy. Heta naftapravod «Družba», hazatranspartnaja sistema i instytut jadziernych daśledavańniaŭ "Sosny".
U vypadku pałomki naftapravoda «Družba» alternatyŭnyja trubapravody nie zmohuć poŭnaściu zabiaśpiečyć jeŭrapiejski popyt, havorycca ŭ depiešy. U vypadku doŭhaterminovaha pieraboju pastavak hazu praź Biełaruś pa hazapravodzie «Jamał - Jeŭropa» i mahutnaściach "Biełtranshazu" Jeŭropie budzie naniesieny značnaja ekanamičnaja škoda. Što tyčycca abjadnanaha instytuta enierhietyčnych i jadziernych daśledavańniaŭ "Sosny", to tam, pa dadzienych aŭtara depiešy, zachoŭvajecca značnaja kolkaść jadziernaha paliva, pryznačanaha dla daśledavańniaŭ. Prablemy ź biaśpiekaj, ź jakimi sutyknuŭsia instytut, na dumku amierykanskaha dypłamata, padobna tym, jakija byli ŭ anałahičnych rasijskich abjektaŭ hadoŭ dziesiać tamu.
Zhodna z daniasieńniem, «Sosny» naviedvali pradstaŭniki Ministerstva enierhietyki ZŠA, imi "była vyvučana mahčymaść supracoŭnictva pa stvareńni naležnaj narmatyŭnaj bazy dla lepšaj abarony jadziernych materyjałaŭ".
U inšaj depiešy, ad 5 śniežnia 2007 hoda, pad hryfam «kanfidencyjna» i za podpisam nibyta časovaha pavieranaha ŭ spravach ZŠA Džonatana Mura, havaryłasia ab mahčymaści pryznačeńnia premjer-ministram Biełarusi Piatra Prakapoviča, jaki tady ŭznačalvaŭ Nacbank. Jaho charaktaryzavali jak «daŭniaha siabra blizkaha koła Alaksandra Łukašenki» i śćviardžali: Prakapovič «spałučaje niekatoruju stupień prafiesijanalizmu z kiraŭničymi zdolnaściami z adsutnaściu ambicyj i poŭnaj addanaściu Łukašenku. Hety kamplekt rysaŭ moža zrabić jaho idealnym kiraŭnikom ŭrada ŭ vačach dyktatara, asabliva ŭ suviazi z tym, što Biełarusi ŭ najbližejšyja miesiacy treba budzie sutyknucca z ekanamičnymi ciažkaściami».
