«Ja abiraŭsia siamnaccać razoŭ zapar pažyćciova» + najlepšyja epizody ź filmaŭ 11

Siońnia vialikamu rasijskamu kinaakcioru Jaŭhienu Lavonavu spoŭniłasia b 85 hadoŭ.

Adzin z samych lubimych narodam akcioraŭ savieckaha kino naradziŭsia ŭ Maskvie ŭ 1926 hodzie. U 1947-ym skončyŭ Maskoŭskuju teatralnuju studyju i staŭ akcioram teatra Stanisłaŭskaha.

U 1961 hodzie, paśla filma «Pałasaty rejs» Lavonaŭ zrabiŭsia sapraŭdnaj zorkaj. Jaho lubiać za rolu karala-samadura z «Zvyčajnaha cuda», inšapłaniecianina z «Kin-dza-dza», Dacenta z «Džentlmienaŭ udačy» i dziasiatkaŭ inšych kłasičnych filmaŭ. Lavonavu ŭdavalisia nie tolki kamiedyjnyja roli, ale i dramatyčnyja — jak u «Danskoj apovieści» pa apaviadańniach Šołachava.

Lavonaŭ zastavaŭsia saboj u zusim roznych rolach. Ad «chvoraha na ŭsie psichičnyja i nieŭratyčnyja chvaroby» burhamistra, jaki pieraabirajecca na pasadu 17 razoŭ pažyćciova ź filma «Zabić drakona»,

da ahučki Vini-Pucha, paśla jakoha hladzieć amierykanskuju viersiju kazki ŭsim žycharam byłoha SSSR prosta składana.

Darečy, «rolu» Vini-Pucha sam aktor ličyŭ hałoŭnaj u svaim žyćci…

Lavonaŭ pajšoŭ z žyćcia ŭ 29 studzienia 1994 hoda, za niekalki hadzin da čarhovaha śpiektakla. Kali sa sceny abvieścili, pa jakoj pryčynie nie adbudziecca śpiektakl, nichto z hledačoŭ nie zdaŭ kvitkoŭ. Ludzi sa śviečkami i kvietkami niekalki hadzinaŭ stajali la budynka «Lenkomu», šanujučy pamiać pra sapraŭdy narodnaha akciora.

0

0

0

0

0

0

JUU

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH