Madonna nie ŭ łožku. Madonna za kadram 2

Pop-dziva Madona pryjechała ŭ Vieniecyju, dzie ŭ ramkach 68-ha kinafiestyvalu idzie premjera jaje mastackaha filma

, paviedamlaje Bi-bi-si.

Heta ŭžo daloka nie "U łožku z Madonnaj". Takim u śfiery šou-biznesu ŭ naš čas nikoha nie ździviš. 53-hadovaja śpiavačka pradstaŭlaje film pad nazvaj «W.E.« — pavodle inicyjałaŭ brytanskaha karala Edvarda VIII i amierykanki Uolis Simpsan (tut taksama hulnia słoŭ: «we» pa-anhlijsku — «my»).

U asnovu siužeta lažyć historyja kachańnia, z-za jakoha karalu Vialikabrytanii Edvardu VIII daviałosia admovicca ad tronu. Bo karaleŭskaja siamja nie mahła pahadzicca na jaho šlub z raźviedzienaj žančynaj.

Rolu Simpsan vykonvaje brytanskaja aktorka Andrea Rajsbara.

Dzieja filmu razhortvajecca ŭ dvuch časavych słajach: u 1920-ja, kali raman tolki pačynaŭsia, i ŭ siońniašnim Ńju-Jorku. Sučasnaja hierainia — adzinokaja žančyna, jakaja cikavicca adnosinami Edvarda i Uolis dy pravodzić ułasnaje rasśledavańnie. Adnak

vyśviatlajecca, što siamiejnaje žyćcio pary było zusim nie takim biaschmarnym

, jak pryniata ličyć.

Madonna ŭ handole ŭ dni kinafestu.

Madonna z vykanaŭcaj roli hałoŭnaj hieraini - Andreaj Rajsbara.

Kadry ź filma Madonny.

Kadry ź filma Madonny.

Kadry ź filma Madonny.

Edvard i Uolis u žyćci.

Kinažurnalisty, jakija bačyli karcinu, vielmi chvalać u filmie Madonny padbor kaściumaŭ. Sama

Madonna nie chavaje, što asacyjuje siabie z hałoŭnaj hierainiaj

 — prostaj žančynaj, jakaja nieviadoma čym skaryła naślednaha prynca. Aŭtarka robić hieraini makijaž, padobny da svajho, a navat uvodzić u film momanty z svajoj bijahrafii.

Inšuju viersiju historyi Edvarda i Uolis minski hladač moh bačyć uviesnu, kali ŭ kinateatrach demanstravaŭsia film Toma Chupiera «Karol havoryć». Heta historyja małodšaha brata Edvarda — Albierta, jaki byŭ vymušany zaniać karaleŭskaje miesca i dziela hetaha pieraadoleć defiekt movy — zaikańnie. U hetym filmie Uolis Simpsan pakazanaja chitraj karjerystkaj, a Edvard — biazvolnym i biezadkaznym čałaviekam.

Takim čynam, Chupier u svaim filmie apraŭdvaŭ vybar na karyść hramadskaha abaviazku. Madonna ž kancentrujecca na pačućciach i samavyjaŭleńni.

Jaje film pakazali ŭ čaćvier u pazakonkursnaj prahramie Vieniecyjanskaha fiestyvalu.

Mižnarodny Vieniecyjanski kinafiestyval adkryŭsia 31 žniŭnia filmam Džordža Kłuni «Sakavickija Idy».

U čaćvier adbyłasia premjera karciny Ramana Pałanskaha «Raźnia». Adnak sam 78-hadovy režysior na joj nie prysutničaŭ: ZŠA pa-raniejšamu damahajucca jaho vydačy ŭ suviazi sa spravaj ab seksualnych adnosinach z 13-hadovaj dziaŭčynkaj, i, kali jon pryjedzie ŭ Vieniecyju, mohuć ekstradavać u ZŠA.

Štohadovy kinafiestyval, jaki pa tradycyi pravodzicca na vostravie Lido, zavieršycca 10 vieraśnia.

SM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH