U Minsku ŭvodzicca rehistracyja UP i IP praź Internet 1

U Biełarusi siońnia startavaŭ piłotny prajekt pa ŭviadzieńni elektronnaj rehistracyi subjektaŭ haspadarańnia. Na pačatkovym etapie padać dakumienty praź Internet možna dla rehistracyi ŭnitarnych pradpryjemstvaŭ i indyvidualnych pradprymalnikaŭ, pryčym tolki ŭ biełaruskaj stalicy.

Ab hetym paviedamiła karespandentu BIEŁTA načalnik upraŭleńnia Adzinaha dziaržaŭnaha rehistra jurydyčnych asob i indyvidualnych pradprymalnikaŭ (ADR) Ministerstva justycyi Biełarusi Halina Padrazionak.

Halina Padrazionak adznačyła, što praces elektronnaj rehistracyi dosyć prosty. Zajaŭniku nieabchodna padrychtavać pakiet dakumientaŭ, praduhledžany dekretam № 1, zatym zajści na veb-partał pa elektronnym adrasie www.egr.gov.by. Niepasredna pasłuha pa dziaržaŭnaj rehistracyi mahčymaja tolki aŭtaryzavanym karystačam, dla hetaha nieabchodna nabyć u infarmacyjna-vydavieckim centry Ministerstva pa padatkach i zborach kluč elektronnaha ličbavaha podpisu. «Na dadzieny momant košt kluča dla jurydyčnych asob składaje kala Br272 tys. biez PDV, a dla fizičnych asob — kala Br163 tys. biez PDV», — paviedamiła Halina Padrazionak.

Rehistracyja UP abo IP budzie ažyćciaŭlacca tolki paśla apłaty dziaržaŭnaj pošliny za rehistracyju, padkreśliła śpiecyjalist. Pry elektronnaj dziaržaŭnaj rehistracyi pošlinu možna apłacić praz Adzinuju raźlikovuju infarmacyjnuju prastoru (ARIP), u kasach bankaŭ, infakijoskach. Paśla paćvierdžańnia apłaty dziaržaŭnaj pošliny dakumienty nakiroŭvajucca ŭ rehistrujučy orhan, dzie ich razhladajuć adrazu ž paśla atrymańnia, jak kali b hramadzianin pryjšoŭ tudy samastojna. Apaviaščeńnie ab ažyćciaŭleńni rehistracyi abo ab admovie z ukazańniem padstaŭ prychodzić zajaŭniku pa elektronnaj pošcie z elektronnym ličbavym podpisam supracoŭnika rehistrujučaha orhana.

Akramia taho, na veb-partale dziejničaje jaho adkrytaja častka, dastupnaja dla ŭsich karystalnikaŭ sajta. Jana źmiaščaje nieabchodnuju daviedačnuju infarmacyju, narmatyŭna-pravavyja akty, jakija dziejničajuć u hetaj śfiery, a taksama pieralik rehistrujučych orhanaŭ, śpisy zarehistravanych i vyklučanych z ADR subjektaŭ haspadarańnia.

Načalnik upraŭleńnia ADR padkreśliła, što ŭviadzieńnie elektronnaj rehistracyi nie aznačaje, što hramadzianie mohuć aformić svajo pradpryjemstva tolki praź Internet i nijak inakš. Kali zajaŭnik nie žadaje nabyvać i karystacca klučom elektronnaha ličbavaha podpisu, jon moža pryjści na pryjom u rehistrujučy orhan i tradycyjnym sposabam ažyćciavić rehistracyju, heta značyć padać dakumienty ŭ papiarovym vyhladzie. «Vybar jość, i heta samaje hałoŭnaje», — ličyć Halina Padrazionak.

U vypadku paśpiachovaj pracy mahčymaść elektronnaj rehistracyi atrymajuć usie subjekty haspadarańnia ŭ respublicy. «Pa vynikach abkatki, mahčyma, sistema budzie vykarystoŭvacca na ŭsioj terytoryi Biełarusi i ŭsimi subjektami haspadarańnia», — skazała śpiecyjalist.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH