Na 21 žniŭnia pryznačana evakuacyja biełaruskich hramadzian ź Livii 4

Hramadzianie Biełarusi, jakija znachodziacca ŭ Livii, mohuć pakinuć krainu na vajennym karabli «Tryva 1» 21 žniŭnia ŭ 9.00, paviedamiła pres-słužba MZS Biełarusi.

Karabiel nakirujecca z Trypali, jak miarkujecca, na Maltu.

Hetaja infarmacyja raspaŭsiudžvajecca ŭ Biełarusi dla abviaščeńnia ab nazvanaj mahčymaści hramadzian našaj krainy, jakija znachodziacca ŭ Livii, nie majuć suviazi z pasolstvam, ale padtrymlivajuć kantakt sa svajakami ŭ Biełarusi.

Pa dadatkovuju infarmacyju MZS rekamienduje im źviartacca ŭ pasolstva Biełarusi ŭ Livii pa teł. +218 92 339 59 80, +218 21 361 25 55, +218 21 361 63 16, +218 21 361 42 kruhłasutačna.

Pavodle infarmacyi ITAR-TASS, apieracyja pa evakuacyi niekalkich tysiač inšaziemcaŭ, jakija akazalisia zamknionymi ŭ stalicy Livii Trypali, pačniecca ŭ najbližejšyja dni i, jak miarkujecca, budzie praviedziena pa mory. Ab hetym paviedamiła 19 žniŭnia pradstaŭnik Mižnarodnaj arhanizacyi pa mihracyi (MAM) Džemini Pandźja. U suviazi z najaŭnaj situacyjaj vakoł sutyknieńniaŭ prychilnikaŭ i praciŭnikaŭ režymu Muamara Kadafi z prośbaj dapamahčy pakinuć Liviju da MAM źviarnulisia sami mihranty.

«MAM pracuje nad pytańniem evakuacyi mihrantaŭ, kolkaść jakich usio pavialičvajecca, ź livijskaj stalicy, jakija apynulisia ŭ pastcy, — jany nie mohuć pakinuć krainu z-za bitvaŭ na ŭschodnim froncie», — havorycca ŭ zajavie pradstaŭnika arhanizacyi. Pavodle jaje słoŭ, z-za aktyŭnych bajoŭ pamiž uradavymi vojskami i paŭstancami «dla praviadzieńnia hetaj apieracyi zastajecca tolki nievialikaje svabodnaje «akno».

Terytoryju Livii ŭžo pakinuli bolš čym 600 tys. inšaziemcaŭ.

Usiaho ž u krainie naličvajecca ad 1,5 da 2,5 młn. inšaziemcaŭ, bolšuju častku ź jakich składajuć pracoŭnyja mihranty z krain Afryki i Azii.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH