20 žniŭnia z 13.00 da 17.00 u Centralnym dziciačym parku imia Horkaha hramadskaje abjadnańnie abarony žyvioł «Ehida» praviadzie akcyju pa biaspłatnaj razdačy biazdomnych žyvioł.
Jak paviedamiła staršynia HAAŽ «Ehida» Natalla Bialanava, mierapryjemstva prymierkavana da Mižnarodnaha dnia abarony žyvioł, jaki adznačajecca 16 žniŭnia.
Meta akcyi — dapamahčy biazdomnym sabakam i koškam uładkavacca ŭ siemji, pryciahnuć uvahu nasielnictva da prablemy kinutych žyvioł.
Achvotnyja nabyć hadavanca zmohuć vybrać prykładna z 70 darosłych sabak i 40 katoŭ. Usie jany pryščeplenyja i sterylizavanyja, majuć pašparty. Budučyja haspadary taksama pavinny prynieści z saboj pašpart, ašyjnik i pavadok dla sabaki abo pieranosku dla kata. Pry žadańni jany zmohuć atrymać biaspłatnuju kansultacyju vieterynara.
Padčas akcyi taksama možna budzie dapamahčy biazdomnym žyviołam, pakinuŭšy dla ich u śpiecyjalnaj pałatcy korm, amunicyju, leki, pieranoski, napaŭnialniki.
Arhanizatary taksama praduhledzieli zabaŭlalnuju prahramu: vystupleńnie dueta «Alaksandra i Kanstancin», spabornictvy dla sabak pa adžylici, konkurs na lepšy kaścium.
Jak adznačyła Bialanava, u apošnija hady kolkaść padobnych akcyj «Ehidy» ŭzrasła z dvuch da
