Siońnia — hadavina HKČP. Zianon Paźniak: «Hetyja dni stali dla Biełarusi histaryčnymi» 62

19 žniŭnia 1991 h. ŭ Maskvie tak zvany HKČP adchiliŭ prezydenta Michaiła Harbačova ad ułady i abviaściŭ ŭ SSSR nadzvyčajnaje stanovišča. Padziei ŭ Miensku pryhadvaje tahačasny staršynia Apazycyi BNF u Viarchoŭnym Saviecie 12 sklikańnia Zianon Paźniak.

Paźniak: «Dni putču mnie mocna adbilisia ŭ śviadomaści. Jany stali piaredadniem Niezaležnaści Biełarusi. Mienavita pravał putču stvaryŭ unikalnuju mahčymaść zdabyć svabodu dla našaj krainy. I my skarystali hetuju mahčymaść.

Pačatak putču nie zaśpieŭ mianie doma, i pakul ja pryjechaŭ u Viarchoŭny Saviet (zdajecca, niedzie kala 11-aj), dyk tam užo sabralisia deputaty Apazycyi BNF, jakija žyli ŭ Miensku. I darma čas nie marnavali. Praca kipieła.

Hałoŭnaja našaja meta była — arhanizavać hramadzki supraciŭ putčystam.

20 žniŭnia było ŭtvorana Biełaruskaje Zhurtavańnie Vajskoŭcaŭ, kudy krychu paźniej ustupiła balšynia mužčynaŭ-frontaŭcaŭ. 21 žniŭnia na płoščy pierad Viarchoŭnym Savietam manifestavali ŭžo tysiačy ludziej. I jakraz u hety dzień putč pravaliŭsia. U kamunistaŭ pačaŭsia pierapałoch. Ciapier, jak kažuć, nam treba było — „Pa koniach, i da svabody!“. Prytym — chutka, pakul Maskva była zaniataja sama saboj.

U nas było tolki niekalki dzion, i hetyja dni stali dla Biełarusi histaryčnymi. Niezaležnaść była zdabytaja»

0

0

0

0

0

0

Radyjo Svaboda

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH