Sinoptyki papiaredžvajuć pra surjoznaje paharšeńnie nadvorja ŭ najbližejšyja sutki.
Pavodle prahnozu Respublikanskaha hidramieteacentra, 20 žniŭnia na bolšaj častcy terytoryi Biełarusi čakajucca daždžy, nočču i ranicaj miescami mocnyja liŭni. Nočču ŭ mnohich rajonach, dniom miescami navalnicy. Viecier paŭdniovy, ź pierachodam na zachodni 6—11 m/s, nočču pry navalnicach u asobnych rajonach škvalistaje ŭzmacnieńnie vietru paryvami da 15—20 m/s, dniom pa zachodniaj pałovie krainy paryvy vietru da 15—20 m/s. Tempieratura pavietra nočču plus 12—18°S, dniom plus 15—21°S, pa paŭdniovym uschodzie da plus 23°S.
U Minsku 20 žniŭnia pachmurna z prajaśnieńniami. Karotkačasovyja daždžy. Nočču i ranicaj navalnica, miescami mocnyja liŭni. Viecier paŭdniovy, ź pierachodam na zachodni 6—11 m/s, miescami škvalistaje ŭzmacnieńnie da 15—20 m/s. Tempieratura pavietra nočču plus 13—15°S, dniom plus 17—19°S.
21 žniŭnia ŭ Biełarusi pachmurna z prajaśnieńniami. Na bolšaj častcy terytoryi karotkačasovyja daždžy, miescami navalnicy. Viecier paŭnočna-zachodni 5—10 m/s, pry navalnicach paryvy da 14 m/s, nočču pa zachadzie paryvy da 15—18 m/s. Tempieratura pavietra nočču plus 7—14°S, dniom plus 16—23°S.
22 žniŭnia pa krainie pieramiennaja vobłačnaść. Miescami, pieravažna pa poŭnačy, karotkačasovyja daždžy, navalnicy. Viecier niaŭstojlivy 3—8 m/s. Tempieratura pavietra nočču plus 7—13°S, dniom plus 20—25°S, pa poŭdni da plus 27°S.
