Vysokija čynoŭniki daduć spravazdačy, dzie buduć znachodzicca na vychodnych, a ich padnačalenyja ŭ hetyja dni vyjduć na dziažurstva. Taki abaviazak uskładajecca Pastanovaj № 1057 ad 6 žniŭnia 2011 hoda, pryniataj Savietam Ministraŭ. Dziažurstva čynoŭnikaŭ uvodzicca ŭ metach «pavyšeńnia efiektyŭnaści pracy respublikanskich orhanaŭ dziaržaŭnaha kiravańnia» i «zabieśpiačeńnia apieratyŭnaha pryniaćcia kiraŭničych rašeńniaŭ».
Dakumient praduhledžvaje, što dziažurstva budzie vieścisia z 9.00 da 18.00 u vychodnyja i śviatočnyja dni.Pry hetym u subotu jano budzie adbyvacca na pracoŭnym miescy, u niadzielu i śviatočnyja dni — z domu. Ni słužbovy ŭzrovień dziažurnych, ni ich słužbovaja kampietencyja nie ŭstanoŭlenyja.
Usie astatnija supracoŭniki abaviazanyja infarmavać dziažurnych pra svajo miesca znachodžańnia i telefon, pa jakim jany buduć dasiažnyja ŭ vychodnyja.A kiraŭnictva ministerstvaŭ budzie dublavać źviestki pra svoj adpačynak jašče i praz elektronnuju poštu.
Kaardynatar kampanii «Naš dom» Mikałaj Pietrušenka ličyć, što reformy, jakija pačynajucca źvierchu nieefiektyŭnyja. Kab treba davać inicyjatyvu nasielnictvu, a nie dadatkova kantralavać čynoŭnikaŭ. «Pra Michaiła Miaśnikoviča zaŭsiody kazali — jon padnimie zarobak i naviadzie paradak. Voś taki „paradak“ jon choča navieści i ŭ ministerstvach, — miarkuje jon. — Ale ni da čaho dobraha heta nie pryviadzie.
Takija zachady ŭłady — heta ahonija.Biełaruś užo prachodziła takoje. Kali razvalvałasia savieckaja armija, taksama dachodziła da taho, što hienierały spali na pracoŭnych miescach. I heta ničym nie dapamahło».