«Tut usio robicca «sa smakam». Žonka Bialackaha atrymała pieršy list z turmy 12

Pieršyja źviestki pra znachodžańnie pravaabaroncy Alesia Bialackaha ŭ śledčym izalatary atrymała jahonaja žonka Natalla Pinčuk.

List z-za krataŭ Aleś Bialacki adpraviŭ 8 žniŭnia. U liście pravaabaronca raspaviadaje pra toje, jak jamu davodzicca pryzvyčajvacca da turemnaha režymu.

Na sajcie pravaabarončaha centra «Viasna» cytujuć uryŭki ź lista: «Žyćcio praciahvajecca, ja pastupova asvojvajusia i vyvučaju niachitryja navuki žyćcia ŭ SIZA. Ustajom rana a 6-j, kładziemsia taksama rana — a 22-j. Dziŭnym čynam arhanizm chutka prystasoŭvajecca da zabytaha ŭžo z časoŭ słužby ŭ vojsku rasparadku.

Tut usio robicca nie śpiašajučysia, ale vielmi dakładna i «sa smakam». Prahułka — «sa smakam», pachod u łaźniu — «sa smakam».

…Vadzili da doktara, zrabili fluarahrafiju, «adkatali» palčyki ŭžo druhi raz za hetyja try dni, zaviali miedycynskuju kartačku. Skarhaŭ na zdaroŭje u mianie niama.

…Pakul ja ŭsio ŭsprymaju jak štości nierealnaje, pahladzim, jakija adčuvańni źjaviacca paźniej.

…U hetuju haračyniu było trochu dušnavata, ale prajšoŭ doždž, i na vyhule pavietra było śviežym i čystym. Dobra, što vialikija śvietłyja dni, u mianie na śviatło zaŭsiody dobraja reakcyja».

0

0

0

0

0

0

Pavodle spring96.org

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH