Staličnaj milicyjaj raspačatyja dźvie kryminalnyja spravy ŭ dačynieńni da24-hadovaha chłopca, jaki błakavaŭ kamputarnuju infarmacyju staličnaha pradpryjemstva.
Śledčym upraŭleńniem papiaredniaha rasśledavańnia HUUS Minharvykankama raspačataja kryminalnaja sprava ŭ dačynieńni da žychara Minska, jaki z 15 lutaha pa 8 krasavika, vykarystoŭvajučy kamputar pa miescy žycharstva, ažyćciaŭlaŭ chakierskija ataki na adno staličnaje pradpryjemstva.
Pavodle dadzienych staličnaj milicyi, chłopiec z metaj aznajamleńnia z kanfidencyjnaj kamputarnaj infarmacyjaj TDA «CDIADTS» i chočučy pieraškodzić narmalnamu funkcyjanavańniu nazvanaha pradpryjemstva, z dapamohaj kamputarnaj techniki i internetu, z vykarystańniem łahinaŭ i parolaŭ karystalnikaŭ, ździejśniŭ niesankcyjanavanyja dostupy i sproby ažyćciaŭleńnia dostupaŭ da kamputarnaj infarmacyi nazvanaha pradpryjemstva. Dadzienaja infarmacyja zachoŭvałasia ŭ sistemach SP TAA «Dziełavaja sietka» i TAA «Adkryty kantakt», adnak chakier zdoleŭ prakraścisia tudy i dvojčy — 26 lutaha i 23 sakavika — błakavać kamputarnuju infarmacyju TDA.
Pa dadzienych faktach u dačynieńni da padazravanaha raspačatyja kryminalnyja spravy pa č.1 art.14, i č.2 artt.349 (zamach na niesankcyjanavany dostup da kamputarnaj infarmacyi, zrobleny z karyślivaj ci inšaj asabistaj zacikaŭlenaści, abo hrupaj asobaŭ pa papiaredniaj zmovie, albo asobaj, jakija majuć dostup da kamputarnaj sistemy abo sietki) i č.21 art.351 (naŭmysnaje źniščeńnie, błakavańnie, pryviadzieńnie ŭ nieprydatny stan kamputarnaj infarmacyi abo prahramy, albo vyvad z ładu kamputarnaha abstalavańnia, albo razbureńnie kamputarnaj sistemy, sietki abo mašynnaha nośbita (kamputarny sabataž) Kryminalnaha kodeksa Biełarusi.
Viadziecca rasśledavańnie.
