Ekśpierymientalnaje lačeńnie było aprabavanaje na troch pacyjentach z poźnimi stadyjami zachvorvańnia. Sutnaść ekśpierymientalnaha mietadu, vykarystanaha navukoŭcami, zaklučajecca ŭ hienietyčnym «pieraprahramavańni» T-limfacytaŭ pacyjentaŭ, paśla jakoha hetyja kletki nabyvajuć zdolnaść raspaznavać i źniščać kletki złajakasnaj puchliny.
Z hetaj metaj T-limfacyty byli vydzielenyja z kryvi chvorych i razmnožanyja ŭ łabaratoryi. Paśla hetaha ŭ hienom kletak z dapamohaj biasškodnaha dla čałavieka virusa byli ŭniesienyja hieny, što kadzirujuć chimiernaje antycieła, zdolnaje źviazvacca z antyhienam CD19. Hety antyhien sustrakajecca tolki na pavierchni atypovych kletak, jakija niekantralavana razmnažajucca pry chraničnym limfalejkozie.
Ekśpierymientalnaje lačeńnie było aprabavanaje na troch pacyjentach z poźnimi stadyjami zachvorvańnia, jakim z roznych pryčynaŭ užo nie dapamahała chimijaterapija. Uviadzieńnie madyfikavanych kletak u arhanizm ažyćciaŭlałasia ŭ try etapy ciaham troch dzion. Praz dva-try tydni paśla hetaha ŭ chvorych byli adznačanyja prykmiety masavaj hibieli puchlinavych kletak, hety praces supravadžaŭsia pavyšeńniem tempieratury cieła, dryžykami i młosnaściu, jakija doŭžylisia niekalkich dzion.
