Italija praviadzie maštabnyja ekanamičnyja reformy ŭ adpaviednaści z patrabavańniami Jeŭrapiejskaha Centrabanka ŭ abmien na dapamohu ŭ abaronie ad pazykovaha kryzisu,skazaŭ ministr ekanomiki Itali Džulia Tremonci.
Tremonci paviedamiŭ parłamienckamu kamitetu, što ŭrad hatovy pryniać miery pa libieralizacyi ekanomiki, choć jon jašče praciahvaje zajmacca raspracoŭkaj detalovych płanaŭ dla bałansavańnia biudžetu da 2013 hoda.
"My pavinnyja pryniać žorstki pakiet mieraŭ kansalidacyi biudžetu na hety hod i dva nastupnych. Kankretnyja ličby ciapier vyznačajucca", - zajaviŭ Tremonci.
"Palityčny vybar ab tym, jak pieraaryjentavać namahańni na 2012 i 2013 hady, jašče treba zrabić", - skazaŭ ministr, dadaŭšy, što hety płan budzie pradstaŭleny na nastupnaj sustrečy kabinieta ministraŭ.
Tremonci paviedamiŭ, što JECB, hetak ža jak Hiermanija i Francyja, padtrymaŭ prahramu źmienaŭ, nakiravanuju na poŭnuju libieralizacyju dziaržaŭnych pasłuh u Italii i ŭviadzieńnie bolš hnutkich kantraktaŭ pa najmie, kab pavysić mabilnaść rynku pracy.
Akramia taho, płan kansalidacyi, pa słovach ministra, moh by ŭklučać pavyšeńnie piensijnaha ŭzrostu dla žančyn i źmieny ŭ praviłach, jakija rehulujuć vychad na piensiju ŭ zaležnaści ad piensijnych vypłat hramadzianina.
Adnosna skaračeńnia zarobkaŭ dziaržaŭnym słužačym Tremonci skazaŭ, što pakul hetaha ŭ płanach niama, dadaŭšy, adnak, što treba skaracić vydatki na kiravańnie krainaj.
