Litva nie pieradavała Biełarusi dadzienyja ab inšych pravaabaroncach, paviedamiŭ u čaćvier ministr justycyi Remihijus Šymašus, čyjo viedamstva padvierhnułasia krytycy ŭ suviazi z pradastaŭleńniem infarmacyi ab dvuch aktyvistach arhanizacyi «Viasna».
«Dziakuj Bohu, padobna da taho, što inšych incydentaŭ padobha kštałtu atrymałasia paźbiehnuć. Ministerstva justycyi nie pieradavała nijakich inšych dadzienych ab mahčymych dysydentach ci pravaabaroncach», — zajaviŭ ministr u intervju Žinių radijas.
U sieradu Miniust paviedamiŭ, što, kansultujučysia ź Ministerstvam zamiežnych spravaŭ, praviaraje dadzienyja ab pradstaŭlenaj Miensku ŭ hetym i minułym hodzie infarmacyi pa damovie ab pravavoj dapamozie.
Miniust i MUS Litvy padvierhnulisia krytycy, kali vyśvietliłasia, što infarmacyju ab ruchu hrašovych srodkaŭ na rachunkach zatrymanaha ŭ Miensku pravaabaronca Alesia Bialackaha ŭ litoŭskich bankach pradastaviŭ Biełarusi Miniust Litvy. Miensku taksama była pieradadzienaja infarmacyja ab inšym pradstaŭniku arhanizacyi «Viasna» Valancinie Stefanovičy.
Słužbovyja asoby Litvy prynieśli prabačeńni blizkim Bialackaha za hety incydent. Zatrymany pravaabaronca padazrajecca va ŭtojvańni padatkaŭ.
