Adbuducca kancerty tvoraŭ Mikałaja Nabokava ŭ vykanańni viadomych biełaruskich muzykantaŭ, buduć demanstravacca videafilmy, pryśviečanyja žyćciu i tvorčaści kampazitara.
Jak adznačyli ŭ pres-słužbie MZS, dla ŭdziełu ŭ fiestyvali ŭ jakaści hanarovych haściej zaprošany kniahinia Irena Antuanieta Stanisłava i Maryja Śviatapołk-Mirskija, pramyja patomki siamji Śviatapołk-Mirskich, a taksama dačka Ireny Antuaniety Stanisłavy Alivija Furtvenhler z mužam.
Mikałaj Nabokaŭ, uradženiec h.p. Lubča, stryječny brat piśmieńnika Uładzimira Nabokava, svajak Śviatapołk-Mirskich, jakija da 1939 hoda vałodali Mirskim zamkam, — suśvietna viadomy kampazitar. Jon aŭtar pieršaha amierykanskaha baleta, muzyki da baletaŭ, pastaŭlenych Ruskim baletam Monte-Karła Džordža Bałančyna ŭ ramkach «Ruskich siezonaŭ» Siarhieja Dziahileva. Mikałaj Nabokaŭ napisaŭ šerah aratoryj, simfaničnych tvoraŭ, fartepijannych pjes.
Inicyjatarami praviadzieńnia fiestyvalu, jaki płanujecca zrabić štohadovym, vystupajuć Nacyjanalnaja kamisija Biełarusi pa spravach JUNIESKA i Nacyjanalny mastacki muziej Biełarusi.
