Ab hetym paviedamiŭ siońnia na pres-kanfierencyi, prymierkavanaj da 20-hodździa mižnarodnaha aŭtamabilnaha chołdynha «Atłant-M», jaho brend-mieniedžar Ilja Procharaŭ.
Farmalna sistema trejd-in u Biełarusi pačała pracavać z 1 maja. Da hetaha aŭtadyleram było niavyhadna zajmacca pryjomam patrymanych aŭtamabilaŭ klijentaŭ za košt novych inšamarak, pakolki, zhodna z zakanadaŭstvam, suma PDV naličvałasia nie z dabavačnaj, a z usioj vartaści aŭtamabila.
Pavodle słoŭ brend-mieniedžara, aŭtadylery, jakija ŭvachodziać u chołdynh, hatovy prymać patrymanyja aŭtamabili klijentaŭ, adnak achvotnych na hety čas niašmat. Adnoj z pryčyn nizkaj aktyŭnaści sistemy trejd-in u Biełarusi Ilja Procharaŭ nazvaŭ situacyju na aŭtamabilnym rynku. «Ludzi nieachvotna zdajuć svaje aŭtamabili, realnych ździełak praktyčna niama», — padkreśliŭ jon.
Razam z tym, jak zaŭvažyŭ pradstaŭnik aŭtachołdynha, sistema trejd-in ujaŭlaje saboj dziejsny miechanizm, jaki zdolny razvarušyć aŭtamabilny rynak. Tamu ŭ bližejšaj budučyni aŭtadylery buduć bolš aktyŭna ruchacca ŭ hetym napramku.
U jakaści prykładu brend-mieniedžar uspomniŭ rasijski vopyt ukaranieńnia sistemy trejd-in. Tak, kali ŭ 2009 hodzie typovy aŭtacentr chołdynha ŭ Rasii pradavaŭ ad 3 da 5 aŭtamabilaŭ u miesiac pa hetaj sistemie, to ciapier heta kolkaść dasiahnuła 25–30 aŭtamabilaŭ.
BiełTA
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
