Aŭtacentr «Atłant-M Baravaja» Ford pravioŭ u svaich ścienach Dzień biełaruskaj movy. Supracoŭniki siervisnaha centra nie tolki razmaŭlali na biełaruskaj movie, ale i davali ŭ padarunak aŭdyjoknihu.Srodki vizualizacyi taksama byli zamienienyja: bejdžy, tablički, prajs-listy byli pierakładzieny z ruskaj na biełaruskuju movu.
«Vykarystoŭvajučy novuju formu dyjałohu, my imkniomsia dać biełarusam mahčymaść kamunikavać tak, jak im padabajecca. Asobnyja klijenty z zadavalnieńniem razmaŭlajuć na biełaruskaj movie, i nam by chaciełasia, kab jany mieli takuju mahčymaść pry naviedvańni našaha aŭtacentra. My nie stavim pierad saboj zadaču zrabić biełaruskuju movu standartam znosin. Naša meta, roŭna jak i kampanii Ford, dać ludziam lepšaje. Dać svabodu ŭ vybary nie tolki jakasnaha aŭtamabila, ale i movy znosin», — padkreśliŭ dyrektar aŭtacentra «Atłant-M Baravaja» Ford Siarhiej Jelistrataŭ.
Ideja praviadzieńnia admysłovych dzion biełaruskaj u kampanii była ahučanaja ŭ červieni hetaha hoda. Tady było abvieščana pra pačatak realizacyi śpiecyjalnaj kancepcyi prasoŭvańnia aŭtacentram svaich praduktaŭ i siervisnych pasłuh u Biełarusi. Jana zasnavanaja na vykarystańni novych kamunikatyŭnych instrumientaŭ, uklučajučy praktyčnaje prymianieńnie biełaruskaj movy.
