Mietaličnaj15-kiłahramovaj płaścinaj udaryŭ pa hałavie19-hadovy žychar Ašmianaŭa svajho starejšaha brata. Paciarpieły pamior. 29 lipienia prakuratura zaviała kryminalnuju spravu pa artykule «Zabojstva».
Zdareńnie adbyłosia nočču naprykancy minułaha tydnia ŭ domie bratoŭ. Spačatku prakuratura kvalifikavała złačynstva jak naŭmysnaje pryčynieńnie ciažkaha cialesnaha paškodžańnia, jakoje pryviało pa nieaściarožnaści da śmierci paciarpiełaha. A siońnia pierakvalifikavała jaho ŭ zabojstva.
Pra heta raskazaŭ namieśnik prakurora Ašmianskaha rajona Dźmitry Marozaŭ. Pavodle jaho słoŭ,
historyja admietnaja tym, što try hady tamu treci brat hetaj siamji zabiŭ baćku. Tady sud vynies pryhavor na artykule «Zabojstva ŭ stanie afiektu».
Ciapier padazrony ŭ zabojstvie brata kaža, što starejšy jaho ŭvieś čas kryŭdziŭ i źbivaŭ. Mietaličnuju płaścinu jon uziaŭ u ruki i zajšoŭ u pakoj brata byccam by dla taho, kab abaraniacca.
Śledstva, jakoje viadzie pradstaŭnik śledčaha adździeła prakuratury Hrodzienskaj vobłaści Volha Šafran, pavinna vyśvietlić, što toj nočču adbyłosia na samoj spravie.
0
0
0
0
0
0
