16-hadovy padletak, žychar Barysava, asudžany pa artykule 341 Kryminalnaha kodeksa za apahanieńnie budynka cyničnymi nadpisami i psavańnie majomaści.
Jak raspaviała staršy pamočnik prakurora Minskaj vobłaści Taćciana Kalinina, śledstva vyśvietliła, što dniom 22 sakavika hetaha hoda padletak ŭ padjeździe žyłoha doma ŭ rajonnym centry markieram nanios «apahańvajučyja nadpisy vulharnaha, cyničnaha źmiestu, nieprystojnyja dla estetyčnaha ŭsprymańnia, jakija adnosiacca da zabaronienaj (tabujavanaj) leksiki i vyražajuć pahardlivaje staŭleńnie da normaŭ marali i maralnaści». Pry hetym była sapsavanaja kamunalnaja majomaść, jakaja znachodzicca ŭ hramadskim miescy ahulnaha karystańnia.
Na sudovym pasiadžeńni padletak całkam pryznaŭ svaju vinu.
Pavodle prysudu suda Barysaŭskaha rajona,
niepaŭnahadovy pravaparušalnik asudžany da 90 hadzin hramadskich prac.Maksimalna ž mahčymaje pakarańnie pa artykule 341 KK za apahańvańnie budynkaŭ ci inšych zbudavańniaŭ cyničnymi nadpisami abo malunkami, psavańnie majomaści na hramadskim transparcie abo ŭ inšych hramadskich miescach pry adsutnaści prykmiet bolš ciažkaha złačynstva — aryšt na termin da troch miesiacaŭ.
0
0
0
0
0
0