Majstar Mahiloŭskaha kamunalnaha ŭnitarnaha pradpryjemstva rytualnych pasłuh ładziŭ trenirovačnyja pachavańni dla padnačalenych.
Jak raskazaŭ staršy śledčy pa asabliva važnych spravach śledčaha ŭpraŭleńnia UUS Mahabłvykankama Alaksandr Kukańkoŭ, metaj takich "trenirovak" była adpracoŭka navykaŭ pa pachavańni.
"Treniravalisia paśla pracy ŭ niećviarozym stanie — atrymajecca ŭdvuch apuścić trunu ź ciełam ci nie atrymajecca.Dla hetaha śpiecyjalna vykapali jamu, kudy apuskali zabituju trunu z adnym z rabotnikaŭ. Źnievažajučy takim čynam padnačalenych, majstar parušaŭ ich pravy i svabody", — adznačyŭ śledčy.
Pavodle jaho słoŭ, daloka nie ŭsie rabotniki vytrymlivali taki režym: mnohija paśla niekalkich dzion pracy zvalnialisia.
Majstar stvaryŭ na pradpryjemstvie takuju atmaśfieru, što niepasłuchacca jaho nie advažvaŭsia nichto — za nievykanańnie ŭkazańnia rabotnikaŭ mahli prosta źbić, raskazaŭ Kukańkoŭ.
"Tamu nichto nie aburaŭsia. Za ŭvieś čas adtul pastupiła tolki adna zajava pra źbivańnie.Daviedacca pra ŭsio dapamahło tolki rasśledavańnie pa inšaj spravie", — dadaŭ śledčy.
Pavodle danych śledstva, majstar umieŭ nie tolki trymać u strachu padnačalenych, ale i adpraŭlaŭ hrošy, pryznačanyja pradpryjemstvu, u svaju kišeń. Akazvajučy pasłuhi pa pachavańni ci dastaŭcy roznych pradmietaŭ, apłatu sa svajakoŭ niabožčykaŭ majstar braŭ sabie. Takim čynam štodnia ad čatyroch-piaci klijentaŭ jon atrymlivaŭ ad 600 tysiač da 1 młn. rubloŭ. Na praciahu paŭtara hadoŭ majstar vioŭ ułasnuju buchhałteryju, ź jakoj vynikaje, što ź lipienia 2009 hoda jaho štomiesiačny dachod ad padobnych apieracyj składaŭ 10—15 młn. rubloŭ. Peŭny pracent ad atrymanych hrošaj išoŭ rabočym.
Śledčy adznačyŭ toj fakt,
što skarhaŭ ad klijentaŭ nie pastupała, pakolki ŭsie pasłuhi vykonvalisia na dobrym uzroŭni.Vyjavić złačynstvy atrymałasia tolki paśla zvarotaŭ u adździeł pa baraćbie z ekanamičnymi złačynstvami pabočnych hramadzian. Paśla zatrymańnia majstra štomiesiačny dachod pradpryjemstva rytualnych pasłuh vyras na 20 młn. rubloŭ.
U dačynieńni da padazronaha raspačaty kryminalnyja spravy pa niekalkich artykułach: kradziež hrašovych srodkaŭ u bujnym pamiery (art. 210 KK); złoŭžyvańnie słužbovymi paŭnamoctvami (art. 424); pieravyšeńnie słužbovych paŭnamoctvaŭ (art. 426).
