«Šachcior» razhramiŭ «Naftan», a bresckaje «Dynama» vyjhrała ŭ minskaha 3

U piatnicu — niadzielu prajšli matčy 19-ha tura čempijanatu Biełarusi pa futbole ŭ vyšejšaj lizie.

Siońnia salihorski «Šachcior» vyjhraŭ ŭ «Naftana» 3:0 (Sitko, 25, Kamaroŭski, 48, Ryas, 8), a bresckaje «Dynama» — aŭtsajder nacyjanalnaha pieršynstva, što tolki-tolki pazbaviłasia ad Juryja Puntusa — atrymała pieršuju pieramohu z novym trenieram Siarhiejem Kavalčukom. Pryčym nie nad aby-kim, a nad minskim «Dynama» — 2:0 (Žaŭnieraŭ, 43-aŭtahoł, Chvaščynski, 87). Da hetaha ŭ minskaha «Dynama» było čatyry zapar pieramohi. A Brest upieršyniu vyjhraŭ z 30 krasavika.

«Minsk» atrymaŭ valavuju pieramohu nad «Niomanam» 3:1 (Klimovič, 45, Łašankoŭ, 59, Ščerakoŭ, 86 — Lebiedzieŭ, 39).

Učora «Tarpieda» (Žodzina) i «Dniapro» zhulali ŭničyju 1:1 (Vadzim Jaŭsiejeŭ, 6 — Lasiuk, 46).

U piatnicu, nahadajem, BATE ŭ haściach vyjhraŭ u «Viciebska» 0:1.

Matč «Homiel» — «Biełšyna» pieraniesieny na 4 vieraśnia, praz udzieł homielskaha kłuba ŭ jeŭrakubkach.

Stanovišča kamandaŭ: BATE — 44, Šachcior — 36, Dynama-Minsk, Naftan — pa 27, Tarpieda, Homiel — pa 25, Biełšyna — 24, Nioman — 22, Viciebsk, Minsk — pa 21, Dynama Brest — 16, Dniapro — 15.

Matčy 20-ha tura projduć 5 žniŭnia. Minskaje «Dynama» zhulaje doma z «Tarpieda», a BATE — z «Biełšynaj».

0

0

0

0

0

0

AH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH