Za-avto.by: «Aranžavyja konusy na praśpiekcie — pieraškoda, značycca, ich treba prybirać» 5

Sajt Za-avto.by daŭ parady aŭtamabilistaŭ, što rabić sa stratehijaj «aranžavych konusaŭ», jakuju pačało prymianiać minskaje DAI padčas praviadzieńnia «maŭklivych revalucyj» paśla akcyj «Stop-Bienzin».

Nahadajem, što na krajnich levych pałosach u kožnym nakirunku vystaŭlajucca płastykavyja konusy, jakija faktyčna nie dajuć ruchacca ŭ hetaj pałasie. U vyniku

śpiecsłužby i pravachoŭčyja orhany reziervujuć dla siabie mahčymaść prajezdu padčas akcyj, jakija paralizujuć praśpiekt.

«Asobna varta spynicca na aranžavych konusach, jakimi DAI pierakryvaje krajnija levyja pałosy na praśpiekcie Niezaležnaści. Kali padčas akcyi zakryjuć pałasu konusami, to možna prosta abjechać ich, i jechać pa hetaj pałasie, parušeńnia ŭ hetym niama, — miarkuje Za-avto.by. — 

Konusy ŭ Praviłach darožnaha ruchu nie zhadvajucca, zatoje ŭ ich zhadvajecca pieraškoda, jakoj i źjaŭlajecca konus. Jaho možna vynieści za miežy prajeznaj častki, što nie supiarečyć praviłam».

U svaim tłumačeńnia aŭtamabilisty spasyłajucca na nastupnyja punkty Praviłaŭ darožnaha ruchu:

2.52. pieraškoda dla darožnaha ruchu — abjekt, jaki znachodzicca na šlachu ŭdzielnika darožnaha ruchu i prymušaje jaho źmienšyć chutkaść ruchu, ździejśnić abjezd ci spynicca;

34. U vypadku vyjaŭleńnia ci stvareńnia na darozie pieraškody, jakaja stvaraje niebiaśpieku dla ruchu, udzielniki darožnaha ruchu abaviazanyja:

34.1. pryniać miery pa jaje prybirańni;

34.2. pry niemahčymaści prybirańnia pieraškody adznačyć jaje ŭ adpaviednaści z Praviłami ci inšym sposabam, jakija zabiaśpiečvajuć biaśpieku darožnaha ruchu, paśla čaho paviedamić pra pieraškodu ŭ milicyju abo darožna-ekspłuatacyjnuju ci kamunalnuju słužbu.

0

0

0

0

0

0

JAV

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH