LidarLibieralna-demakratyčnaj partyi Biełarusi Siarhiej Hajdukievič zaklikaŭ Alaksandra Łukašenku adpravić u adstaŭku ŭrad, pryznać Paŭdniovuju Asieciju z Abchazijaj, pravieści daterminovyja parłamienckija vybary, vyzvalić palitviaźniaŭ.
«Zdymicie i adpraŭcie ŭ adstaŭku ŭrad, jaki ŭ narodzie atrymaŭ nazvu „časovy“. Jany daviali ekanomiku da kryzisu», — zajaviŭ Siarhiej Hajdukievič u intervju ahienctvu Interfaks, źviartajučysia takim čynam da kiraŭnika Biełarusi. Palityk taksama zaklikaŭ Łukašenku ŭstalavać adziny kurs valuty.
«Heta treba rabić siońnia. Čakać, ničoha nie robiačy, — duraść.Kurs budzie i dalej padać, i heta zrazumieła ŭsim», — padkreśliŭ jon.
Hajdukievič ličyć, što Łukašenka pavinien narešcie «paviarnucca tvaram da Rasii». «Padziakujcie Rasii za vialikuju dapamohu, jakuju jana zaŭsiody akazvała i dziakujučy jakoj byŭ mahčymy tak zvany naš biełaruski ekanamičny cud», — skazaŭ palityk.
Lider ŁDPB ličyć, što A. Łukašenka pavinien «u rešcie rešt» pryznać Paŭdniovuju Asieciju i Abchaziju. «My pavinny być sapraŭdnymi sajuźnikami, a nie
Heta adziny šaniec nie raspradavać aktyvy za biescań», — ličyć Hajdukievič.
Jon taksama zaklikaŭ Łukašenku sieści za stoł pieramovaŭ ź ES i pamiłavać «usich zatrymanych i pasadžanych za kraty za padziei 19 śniežnia 2010 hodu».
«I nie treba pieraśledavać niaščasnych ludziej, daviedzienych da adčaju niazdarnaj ekanamičnaj palitykaj uradu», — dadaŭ Hajdukievič.
Palityk prapanuje pryznačyć na viasnu 2012 hoda parłamienckija vybary pa partyjnych śpisach. Heta, na jaho dumku, budzie spryjać raźvićciu hramadzianskaj supolnaści. «Niama nijakaj palityčnaj elity! Niama ničoha — vypalenaja ziamla», — reziumavaŭ jon.
